சிம்பு கேட்ட சோனம்கபூர்!

இந்தியில் சல்மான் கான் நடித்த தபாங் படம், தமிழில் ரீ-மேக் செய்யப்பட இருக்கிறது. இதில் சல்மான் கேரக்டரில் சிம்பு நடிக்க இருக்கிறார். இந்நிலையில் சிம்புக்கு ஜோடியாக காஜல் அகர்வாலை நடிக்க வைக்கலாம் என்று பேசிய போது அவரை வேண்டாம் என்று சொல்லிவிட்டாராம் சிம்பு.
தமிழில் பொம்மலாட்டம், மோதி விளையாடு, நான்மகான் அல்ல, உள்ளிட்ட படங்களில் நடித்தவர் நடிகை காஜல் அகர்வால். தற்போது தெலுங்கில் பிஸியாக நடித்து வரும் இவர் அடுத்து இந்தியில் அஜய் தேவ்கனுடன் ஒரு படத்தில் நடிக்க இருக்கிறார். இந்நிலையில் இந்தியில் சல்மான் கான், நடித்த தபாங் படம் தமிழில் ரீ-மேக் செய்யப்பட இருக்கிறது. இதில் ஹீரோவாக சிம்பு நடிக்க இருக்கிறார். சிம்புக்கு ஜோடியாக காஜல் அகர்வாலை நடிக்க வைக்கலாம் என்று சிம்புவிடம் பேசியிருக்கின்றனர். ஆனால் சிம்புவோ, இது பெரிய ப்ராஜெக்ட், இதற்கு மும்பையை சேர்ந்த நடிகை தான் பொருத்தமானவராக இருப்பார். ஆகவே காஜல் அகர்வால் வேண்டாம், அவருக்கு பதிலாக பாலிவுட் நடிகை சோனம் கபூரை நடிக்க வைக்கலாம். இந்த கேரக்டருக்கு அவர்தான் பொருத்தமானவர் என்று கூறியிருக்கிறார்.
இதனிடையே இப்படத்தை டைரக்டர் சரவணன் இயக்குவதாக இருந்தது. ஆனால் இப்போது அந்த பொறுப்பை டைரக்டர் தரணி ஏற்றுள்ளார் என்று தகவல் வெளியாகியுள்ளது.

சிம்புவின் எவன்டி ஒன்ன பெத்தான்.

வானம் படத்துக்காக சிம்பு பாடி இருக்கும் 'எவன்டி ஒன்ன பெத்தான்' பாடல்தான் அடுத்து காதல் இளைஞர்களின் தேசிய கீதம் என்று சூடம் அடிக்கிறது அந்தப் பட யூனிட் . பாடலை எழுதியது கூட எஸ் டி ஆர் என்று பெயர் மாற்றியும் -- எல்லோராலும் சிம்பு என்ற அழைக்கப் படும் - சிம்புதான் (பின்ன, வேற என்ன சொல்றது) அந்த தைரியத்திலோ என்னவோ அந்த ஒரு பாட்டை மட்டும் வெளியிட அது எப் எம் மை உண்டு இல்லை பண்ணிக் கொண்டிருக்கிறது . பாடலை இந்தியிலும் எடுத்துள்ளனராம் (எண்ணமோ திட்டம் இருக்கு )
மற்ற பாடல்களின் வெளியீட்டு விழா மார்ச் பதினைந்து அன்று நடைபெறுகிறது (அப்ப அது எல்லாம் சுமாரான பாட்டு தானோ?.)
இதற்கிடையில் எல்லோரும் பாரட்டும்படியான ஒரு காரியத்தை செய்துள்ளார் வானம் பட தயாரிப்பாளர் தயாநிதி அழகிரி . (இது அரசியல் நியூஸ் இல்லீங்கோ )
ஏ ஆர் ரகுமானை ஆஸ்கார் தமிழனாக அடையாளம் காட்டிய 'ஸ்லம் டாக் மில்லியனர்' படத்தில் நடித்த ரூபினா அலி என்ற குழந்தை நட்சத்திரத்தின் ( சரி .... இப்ப கொஞ்சம் வளந்துருச்சி !) வீடு.......அல்ல அல்ல குடிசை, மும்பை பாந்த்ரா பகுதியில் அண்மையில் தீப்பிடித்து எரிந்தது . படத்தில் நடித்ததற்காக ரூபினா அலிக்கு வழங்கப்பட்ட பல விருதுகள் கூட தீக்கிரையாயின .
அந்த குழந்தைக்கு ஐம்பதாயிரம் ரூபாய பண உதவி வழங்கியிருக்கிறார் தயாநிதி . வானம் பேருக்கு பொருத்தமான விஷயம் .
எரிந்த மனசு குளிரட்டும்!

சோனியா அகர்வால் மீண்டும் காதலில்!

நடிகை சோனியா அகர்வாலும் பிரபல கன்னட நடிகர் சுதீப்பும் மிகவும் நெருக்கமாகியுள்ளனர். இருவரும் கிட்டத்தட்ட இணைபிரியாத காதலர்களாக உலா வருகின்றனர்.
சமீபத்தில் பெங்களூர் நட்சத்திர ஹோட்டலில் இருவரும் ஒன்றாக இருந்தது பத்திரிகைகளில் வெளியானது.
அடுத்து சில தினங்களுக்கு முன் விசாகப்பட்டனத்தில் நடந்த நட்சத்திர கிரிக்கெட் போட்டி முழுவதும், சோனியாவும் சுதீப்பும் கைகளைக் கோர்த்தபடி இணைந்தே காணப்பட்டனர். போட்டியின் முடிவில் நடந்த பத்திரிகையாளர் சந்திப்பிலும் கூட இதே கோலத்தில் இருவரையும் பார்க்க முடிந்தது.
சுதீப் தன் மனைவி ப்ரியாவிடமிருந்தும், சோனியா அகர்வால் செல்வராகவனிடமிருந்தும் விவாகரத்து பெற்றவர்கள் என்பது நினைவிருக்கலாம். சோனியாவும் - சுதீப்பும் ஏற்கெனவே சாந்து என்ற படத்தில் காதல் ஜோடியாக நடித்துள்ளனர். சுமாராக ஓடியது அந்தப் படம்.
ஏற்கெனவே நடிகை மீனா கன்னடத்தில் பிஸாயாக இருந்தபோது, இதே சுதீப்புடன் மிக நெருக்கமா இருந்தார். இருவருக்கும் திருமணம் என்றெல்லாம் கூட பேசப்பட்டது. இருவருமே அதை மறுக்காமல் சிரித்தபடி போஸ் கொடுத்து வந்தனர் அப்போது!
இப்போது மீனா இடத்துக்கு சோனியா அகர்வால் வந்திருக்கிறார். இது திருமணம் வரை போகுமா... அல்லது நாங்கள் இருவரும் நல்ல நண்பர்கள் என்ற ஸ்டேட்மெண்டோடு முடியுமா...? பார்க்கலாம்!

மீண்டும் முகம் காட்டுகிறார் சார்மி!

நீண்ட இடைவெளிக்கு பின்னர் தமிழில் மீண்டும் ரீ-எண்டிரி ஆகுகிறார் சார்மி. கடைசியாக டைரக்டர் பிரபுசாலமன் இயக்கத்தில் வெளிவந்த "லாடம்" படத்தில் நடித்து இருந்தார். அந்த படத்திற்கு பின்னர் போதிய படவாய்ப்புகள் ஏதும் அமையாததால் தெலுங்கு சினிமாவுக்கு போனார். அங்கு ஓரளவுக்கு படவாய்ப்புகள் வந்ததால் அங்கேயே செட்டிலானார்.
இந்நிலையில் மீண்டும் தமிழுக்கு வருகிறார் சார்மி. சமீபத்தில் தெலுங்கில் இவர் நடித்து வெளிவந்த "மங்கலா" என்ற திரைப்படம் நல்ல வரவேற்பை பெற்றுள்ளது. மிகவும் சஸ்பென்ஸ் மற்றும் திரில்லர் படமாக வந்துள்ள இப்படத்தில் சார்மி பேய் கேரக்டரில் நடித்துள்ளார். இப்படம் தமிழிலும் ரீ-மேக் செய்யப்படுகிறது. சார்மி படத்தில் நடித்ததுடன் மட்டுமல்லாமல், தமிழ் படத்தின் தயாரிப்பாளராகவும், விநியோகஸ்தராகவும் அவதரித்துள்ளார். அத்துடன் நிச்சயம் இந்த அழகான பேய்யை தமிழ் மக்கள் வரவேற்பார்கள் என்ற நம்பிக்கையிலும் இருக்கிறார் சார்மி.

தமிழ் நாட்டின் செல்லச்சீமாட்டி!

போகுமிடமெல்லாம் இவருக்குக் குவியும் ரசிகர் கூட்டம் நிச்சயம் அரசியல் கட்சிகளை யோசிக்க வைக்கும்!
ஜேப்பியார் பொறியியல் கல்லூரி வளாகத்தில் நடந்த அனைத்துக் கல்லூரி விழாவில் சிறப்பு விருந்தினராகக் கலந்து கொண்ட நமீதாவுக்கு, அங்கு குழுமியிருந்த ஆயிரக்கணக்கான மாணவர்கள் ஒரு சேர, "தமிழ்நாட்டின் செல்லச் சீமாட்டி" என்ற பட்டத்தைச் சூட்டினர்!
சென்னை பழைய மாமல்லபுரம் சாலையில் அமைந்துள்ள ஜேப்பியார் பொறியியல் கல்லூரியில் அனைத்துக் கல்லூரி மாணவர்களுக்கான இசைவிழா நடந்தது.
இதில் சென்னை மற்றும் புறநகரில் உள்ள 23 கல்லூரிகளைச் சேர்ந்த மாணவ மாணவியர் பங்கேற்றனர். விதவிதமான கருத்துக்களைச் சொல்லும் நடனங்களை ஆடி அசத்தினர்.
இந்த விழாவுக்கு சிறப்பு விருந்தினராக பிரபல நடிகை நமீதா கலந்து கொண்டார். அவரை கல்லூரியின் நிறுவனர் டாக்டர் ஜேப்பியார், நிர்வாகி ரெஜினா ஜேப்பியார் ஆகியோர் வரவேற்று, திறந்த வெளியில் அமைக்கப்பட்ட பிரமாண்ட விழா மேடைக்கு அழைத்துச் சென்றனர்.
நமீதாவைப் பார்த்ததும் மாணவர்களின் உற்சாகம் கரைபுரள ஆரம்பித்தது. அப்போது ஒரு மாணவர், 'தமிழ்நாட்டின் செல்லச் சீமாட்டி நமீதா' என குரல் எழுப்ப, அதை அப்படியே எதிரொலித்தனர் அனைத்து மாணவர்களும்.
திரும்பத் திரும்ப நமீதாவை இந்தப் பட்டப்பெயரிலேயே அழைக்க, மேடையேறிய நமீதா மாணவர்களின் தனக்கு சூட்டிய இந்தப் பட்டப் பெயரை மகிழ்ச்சியுடன் ஏற்பதாகக் கூறி, தனது அன்பு முத்தங்களை காற்றில் பறக்கவிட, ஆர்ப்பரித்தனர் மாணவர்களும் நிகழ்ச்சிக்கு வந்திருந்த பார்வையாளர்களும்.
அதன் பிறகு நிகழ்ச்சியை வெகுநேரம் அமர்ந்து ரசித்தார் நமீதா. அங்கிருந்து கிளம்பும்போது மீண்டும் ஒரு முறை மேடையேறி, சிறப்பாக நடனமாடிய மாணவர்களுக்கு பாராட்டுக்களைத் தெரிவித்தார். அப்போதும், மாணவர்கள் அனைவரும் தமிழ்நாட்டின் செல்லச் சீமாட்டி என பெரும் ஆரவாரத்தோடு குரல் எழுப்பி அவரை வழியனுப்பினர்!

அனுஷ்காவிற்காக காத்திருக்கும் படங்கள்!

அஜித் நடிக்கும் பில்லா 2, செல்வராகவன் - கமல் கூட்டணியில் உருவாகும் புதிய படம், மதராசபட்டினம் விஜய் இயக்கத்தில் விக்ரம் நடிக்கும் படம் உள்ளிட்ட அரை டஜன் படங்கள் அனுஷ்காவின் கால்ஷீட்டுக்காக காத்திருக்கிறதாம். தற்போது வானம் படத்தில் சிம்புவுடன் நடித்துள்ள அனுஷ்கா, தமிழ்ப் படங்களை விட தெலுங்கு படங்களில் நடிப்பதற்கு அதிக முக்கியத்துவம் அளித்து வருவதால்தான் மேற்படி அரைடஜன் படங்கள் வெயிட்டிங் லிஸ்ட்டில் இருக்க வேண்டிய நிலை. இதுஒருபக்கம் என்றால் மற்றொரு பக்கம், இந்த நேரடி தமிழ் படங்களின் ரீலிசுக்குப் பின் ஏற்படப்போகும் அம்மணியின் தமிழ் மார்க்கெட்டை குறிவைத்து, அனுஷ்கா நடித்த அதரப் பழசான தெலுங்கு படங்களையும் அடுகடை படுகடையாக தமிழ்ப்படுத்தி வருகிறது ஒரு‌ பெருங்கும்பல்!

உறக்கமின்றி தவித்த சமீராரெட்டி!

ரெட் அலர்ட் படத்தில் கற்பழிப்பு காட்சியில் நடிச்சதால பல நாள் தூக்கமே வரல என்று சமீரா ரெட்டி கூறியிருக்கிறார். பாலிவுட்டில் வெளியான ரெட் அலர்ட் படத்தில் நக்சலைட் பெண்ணாக நடித்திருப்பவர் நடிகை சமீரா ரெட்டி. இந்த படம் குறித்து அவர் அளித்துள்ள பேட்டியில், நக்சலைட்டா நடிக்க ரொம்பவே தயங்கினேன்.
என் முகத்துல அப்படி ஒரு ரியாக்ஷனைக் காட்ட முடியுமான்னு தெரியல. அப்புறம் ‌டைரக்டர் கொடுத்த தைரியத்துல நடிச்சேன். நிஜமான நக்சலைட் பிரச்னையைப் பற்றி நான் சொல்ல விரும்பல. ஒரு நடிகையா அந்த படத்துல என்னை கற்பழிப்பது போன்ற ஒரு காட்சியில், நடிச்சுட்டு பல நாள் தூக்கமே வரலை. தனிமையில் கண் கலங்கியிருக்கேன். ரெட் அலர்ட் படம் வேறு யாரும் நடிக்கத் தயங்குற நக்சலைட் வேடம். இதை ஏன் என்னை செய்யச் சொல்லணும். ஏதோஒரு விஷயத்துக்கு நான் ரொம்ப சரியா இருப்‌பேன்னு டைரக்டர்கள் நினைக்கிறாங்க. அதே சமயம் ரசிகர்களுக்கு கவர்ச்சி காட்டுறது ஒரு பெரிய குற்றமா நினைக்கல. கவர்ச்சியும் நடிப்பில் ஒரு பகுதிதான், என்று கூறியுள்ளார்.
ரெட் அலர்ட் படத்தில் லட்சுமி என்ற பெண்ணாக சமீரா ரெட்டியை, போலீஸ்காரர்கள் போலீஸ் நிலைய கழிவறையில் வைத்து கற்பழித்து விடுகிறார்கள். அதன் பின்னர் அவர் நக்சலைட் இயக்கத்தில் சேர்த்து பழிவாங்குவதுதான் படத்தின் மொத்த கதையும் என்பது கூடுதல் தகவல்.

சேவை செய்யும் ஜெனிலியா!

வேலாயுதம், உருமி, தெலுங்கு-இந்திப் படங்கள் என பிஸியாக இருந்தாலும், நேரம் கிடைக்கும்போது தன்னால் முடிந்த சேவையையும் செய்கிறாராம் ஜெனிலியா.
தற்போது நைட் கிளப் பார் ஒன்றில் நடக்கும் நிகழ்ச்சியில் பங்கேற்று அபலை பெண்களுக்காக நிதி திரட்ட முடிவு செய்துள்ளாராம் ஜெனிலியா.
இதுகுறித்து ஜெனிலியா கூறுகையில், "ஆதரவற்ற பெண்களுக்கும், கஷ்டப்படுகிற பெண்களுக்கும் உதவி செய்கிற அமைப்பு நிதி திரட்டும் நிகழ்ச்சிக்கு ஏற்பாடு செய்துள்ளது. இதற்காக நைட் கிளப்பில் ஒரு நாள் முழுவதும் இருக்க முடிவு செய்துள்ளேன். அங்கு வருபவர்களை வரவேற்பேன், கலந்துரையாடவும் செய்வேன். இது போன்ற சமூக சேவை பணிகளில் எனக்கு ஈடுபாடு உண்டு.
கொடுமைகள், கஷ்டங்களை எதிர்த்து போராடும் பலம் பெண்களிடம் இருக்கிறது. ஒரு பெண்ணுக்கு கல்வி அறிவு கொடுத்தால் அந்த பெண்ணின் குடும்பமே நன்றாக இருக்கும், அவர்களின் வாழ்க்கைத் தரமும் உயரும். அதனால்தான் என்னால் முடிந்த இந்த உதவியைச் செய்கிறேன்", என்றார்.

தணிக்கைக்குழு கத்தரித்த வசனம்!

சிவசிவா’ படத்தில் காஞ்சிபுரம் அர்ச்சகர் தேவநாதனின் செக்ஸ் லீலை தொடர்பான காட்சிகள் இடம்பெற்றதற்கு சென்சார் குழு ஆட்சேபம் தெரிவித்தது.
சிவாஷ் இயக்கியுள்ள இந்தப் படத்தில் நாயகர்களாக குமரன் கார்த்திக், சிவாஷ் ஆகியோரும் நாயகிகளாக சுகானி, நட்சத்திராவும் நடித்துள்ளனர்.
இந்த படம் நேற்று தணிக்கை குழுவுக்கு அனுப்பப்பட்டது. படத்தில் காஞ்சீபுரம் கோவில் செக்ஸ் அர்ச்சகர் தேவநாதன் காட்சிகள் இடம் பெற்றிருந்ததற்கு தணிக்கைக் குழு உறுப்பினர்கள் எதிர்ப்பு தெரிவித்தனர்.
எனவே அந்த வசனங்களை நீக்கிவிட்டு யு சான்றிதழ் அளித்துள்ளனர்.
இதுபற்றி இயக்குனர் சிவாஷ் கூறுகையில், “நாம் சாமி என்று கடவுளையும் கோவில் குருக்களையும்தான் ஒப்பிடுகிறோம். அந்த குருக்களே தப்பாக நடந்து கொள்ளும்போது மனதுக்கு கஷ்டமாக இருக்கிறது. காதல் யாருக்கு வேண்டுமானாலும் வரலாம். அதுவே குருக்களுக்கு வந்தால் சமுதாயம் எப்படி பாதிக்கப்படும் என்பதைத்தான் இந்தப் படத்தில் காட்சிபடுத்தியுள்ளோம்.
இப்படத்தில் அர்ச்சகர் தேவநாதனின் செக்ஸ் லீலைகள் பற்றி இடம் பெற்றுள்ள வசனங்களுக்கு தணிக்கை குழுவினர் ஆட்சேபம் தெரிவித்து நீக்கிவிட்டனர். வேறு என்ன சொல்வது?” என்றார்.

ஸ்ருதிக்கு சிபார்சு செய்த சித்தார்த்!

தெலுங்கு படத்தில் ஸ்ருதி அறிமுகமானதிலிருந்து வாய்ப்புகள் வந்தாலும், தனக்கு பொருத்தமான ரோலை எதிர்பார்த்தாராம்.
இதற்கிடையில் தெலுங்கு படங்களில் நடித்து வந்த 'பாய்ஸ்' சித்தார்த், ஸ்ருதி இருவரையும் இணைத்து கிசுகிசு பரவியது.
தெலுங்கில் அறிமுக டைரக்டர் வேணு ஸ்ரீ ராம் இயக்க உள்ள படத்தில் சித்தார்த் நாயகனாக நடிக்கிறாராம். இவருக்கு ஜோடியாக நடிக்க நித்யா மேனனிடம் பேசியிருந்தார்களாம்.
சித்து படத்தின் டைரக்டர் மற்றும் புரொட்யூசரிடம் பேசி நித்யாவை கழட்டி விட்டாராம். படத்தில் ஸ்ருதியை இணைத்து கொள்ள ஏற்பாடும் செய்தாராம் சித்தார்த்.
இந்த கூத்தெல்லாம் நடப்பதற்கு முன்பு அம்ரிதா ராவை நாயகியாக நடிக்க வைக்கும் யோசனையில் இருந்தார்களாம்.
சில கருத்து வேறுபாடுகளால் அம்ரிதாவையும் கடைசியில் தூக்கி கடாசி விட்டார்களாம்.

த்ரிஷா நடிக்கும் மொழிமாற்றுப் படம்.

மதுர் பண்டார்கர் இந்தியில் இயக்கிய ஃபேஷன் படம் தமிழில் ரீமேக் செய்யப்படுகிறது. இதன் இந்திப் பதிப்பில் பாலிவுட்டின் நம்பர் ஒன் நடிகை ப்ரியங்கா சோப்ரா நடித்திருந்தார். இன்னொரு நாயகியாக கங்னா ரனவத் நடித்திருந்தார்.
கதாநாயகிக்கு முக்கியத்துவம் உள்ள இந்தப் படத்தின் தமிழ்ப் பதிப்பை யுடிவி நிறுவனம் தயாரிக்கத் திட்டமிட்டுள்ளது. ஒரு நாயகியாக த்ரிஷா நடிக்க பேச்சுவார்த்தை நடந்து வருகிறது. இன்னொரு நாயகி வேடத்தில் ப்ரியாமணி நடிக்கிறாராம்.
தெலுங்கிலும் இந்தப் படம் தயாராகிறது. முன்னணி இயக்குநர் இயக்க, யுவன் சங்கர் ராஜா இசையமைப்பார் என்கிறார்கள்.
மாடல் உலக அழகிகளைப் பற்றிய படம் என்பதால், மிகுந்த பொருட்செலவில் நவீன தொழில்நுட்பத்தில் தயாரிக்கிறார்கள்.
திருமணம், புதுப்படங்களில் நடிக்க மறுப்பு என்று த்ரிஷா பற்றி செய்திகள் வந்த நிலையில், இப்போது பெரிய பட வாய்ப்பை அவர் ஏற்றிருப்பது குறிப்பிடத்தக்கது.

ரஜனிகாந்த் ஜோடி சினேகா!

ரஜினி மூன்று வேடங்களில் நடிக்கும் ராணா படத்தில் முக்கிய வேடத்தில் நடிக்க சினேகாவிடம் பேசி வருகிறார்கள். நடிக்க வந்து 10 ஆண்டுகளுக்கு மேலானாலும் ரஜினிக்கு மட்டும் ஜோடியாக நடிக்கும் வாய்ப்பு கிடைக்கவில்லை சினேகாவுக்கு. குசேலன் படத்தில் ரஜினியுடன் ஒரு காட்சியில் மட்டும் தோன்றினார். இப்போது ராணாவில் நடிக்கும் வாய்ப்பு வந்துள்ளது. ரஜினி மூன்று வேடங்களில் தோன்றும் இப்படத்தில் தீபிகா படுகோன் மட்டுமே ஹீரோயினாக உறுதிப்படுத்தப்பட்டுள்ளார். இன்னும் இரு நாயகிகளாக அனுஷ்கா மற்றும் அசின் நடிக்கக் கூடும் என்றார்கள். ஆனால் அசின் நடிக்க ரசிகர்கள் மற்றும் சில அரசியல் கட்சிகள் எதிர்ப்பு தெரிவித்துள்ளன. எனவே நிச்சயம் அசின் நடிக்கமாட்டார் என்கிறார்கள். இப்போது அந்த வேடத்துக்குதான் சினேகாவிடம் பேசியுள்ளனர் ராணா தரப்பிலிருந்து. ஏற்கெனவே ரஜினி மகள் சௌந்தர்யாவின் ஆக்கர்ஸ் ஸ்டுடியோ தயாரித்த கோவா படத்தில் நாயகியாக நடித்தவர் சினேகா. எனவேதான் மீண்டும் சினேகாவையே அணுகியுள்ளனராம்.

த்ரிஷாவிற்கு முத்தம் கொடுத்த அஜித்!

முத்தக் காட்சி மட்டுமல்ல மத்தக் காட்சி எதிலும் ஆர்வம் காட்டாதவர் அ‌‌ஜீத். அவரையே மல்லுக்கட்டி முத்தம் கொடுக்க வைத்திருக்கிறார் வெங்கட்பிரபு.
மங்காத்தாவில் அ‌‌ஜீத், த்‌ரிஷா காதல் எபிசோட் அவ்வளவு க்யூட்டாக வந்திருக்கிறது என ஆனந்தப்படுகிறார்கள். முத்தம் இல்லாத காதல் முந்தி‌ரி இல்லாத பாயாசம்தானே? அதனால் ஒரு முத்தக் காட்சி அவசியம் என அ‌‌ஜீத்தையும், த்‌ரிஷாவையும் முத்தமிட வைத்திருக்கிறார் வெங்கட்பிரபு.
முதலில் தயங்கினாலும் அ‌‌ஜீத் நன்றாகவே கொடுத்திருக்கிறாராம் முத்தம்.

விக்ரம் நடிக்கும் பிதா!

இயக்குநர் விஜய் டைரக்ஷனில் விக்ரம் அடுத்து நடிக்கும் படத்துக்கு தெய்வமகன் என்று பெயர் சூட்டப்பட்டுள்ளதாக கூறப்பட்டது.
ஆனால் இப்போது இந்தப் படத்தின் தலைப்பு பிதா என மாற்றப்பட்டுள்ளது.
தெய்வமகன், சிவாஜி கணேசன் நடித்து வெளியாகி வெற்றிகரமாக ஓடிய படம். இந்தப் பெயரில் மீண்டும் படமெடுக்க சிவாஜி பிலிம்ஸ் முடிவு செய்துள்ளதால், அந்த தலைப்பு விக்ரம் படத்துக்குக் கிடைக்கவில்லையாம்.
எனவே பிதா என்ற பெயரைப் பதிவு செய்துள்ளனர். இந்தப் படத்தில் அனுஷ்காவும் அமலா பாலும் விக்ரமுக்கு ஜோடியாக நடிக்கிறார்கள்.
முழுக்க முழுக்க காதல் மற்றும் குடும்ப சென்டிமெண்ட் அடிப்படையில் உருவாகும் படம் இது. முதல்கட்டப் படப்பிடிப்பு முடிந்துள்ளது.

ரஜனியுடன் நடிப்பதில் பெருமை என்கிறார் தீபிகா!

ரஜினியின் ராணா படத்தி்ல் அவருக்கு ஜோடியாக நடிப்பதன் மூலம் எனது திரையுலக வாழ்க்கைக்கு தனி மரியாதை கிடைத்துள்ளது, என்கிறார் பாலிவுட்டின் முன்னணி நடிகையான தீபிகா படுகோன்.
ரஜினி மூன்று வேடங்களில் நடிக்கும் ராணா படத்தில் அவருக்கு ஜோடியாக மூன்று கதாநாயகிகள் நடிக்கிறார்கள். இதில் இளைஞராக வரும் ரஜினிக்கு ஜோடியாக தீபிகா படுகோன் ஒப்பந்தம் செய்யப்பட்டுள்ளார்.
இதுகுறித்து மும்பையில் இன்று செய்தியாளர்களிடம் பேசிய தீபிகா படுகோன் கூறுகையில், "ரஜினி சாருடன் நடிக்க வேண்டும் என்பது என் கனவு. அது இத்தனை சீக்கிரம் நிறைவேறும் என்று நினைக்கவில்லை. அடுத்தடுத்த படங்களில் நான் பிஸாயாக இருந்தேன். ஆனாலும், யாருக்கு நான் விசிறியாக இருந்தேனோ, அவருடன் ஜோடியாகவே நடிக்க வாய்ப்பு வந்ததால், இந்தப் படத்துக்கே முன்னுரிமை தந்தேன்.
என்னைப் பொறுத்தவரை, எனது கேரியருக்குப் பெருமையும் அங்கீகாரமும் ரஜினி சாருடன் நடிப்பதால் கிடைத்துள்ளது என நம்புகிறேன்", என்றார்.
ரஜினியின் மற்ற இரு ஹீரோயின்கள் குறித்து இன்னும் மவுனம் காக்கிறது ராணா தரப்பு.

ஒன்றையே திரும்பத் திரும்ப எத்தனை நாளைக்கு!

ஒரே கவர்ச்சியை எத்தனை நாளைக்குத்தான் ரசித்துக் கொண்டிருக்க முடியும். எல்லோருக்கும் மாறுதல் தேவைப்படும். அப்போது நான் முதலிடத்தை பிடிப்பேன், என்று ரம்யா நம்பீசன் கூறியுள்ளார். ராமன் தேடிய சீதை படத்தில் அறிமுகமான அழகுப்பெண் ரம்யா நம்பீசன், இளைஞன் படத்தின் அழகை இன்னும் கொஞ்சம் மெருகேற்றி நடித்திருந்தார். அவரது அழகுக்காகவே படங்கள் அணிவகுத்து நிற்கும் என்று பாமர ரசிகன் போட்ட கணக்கு பொய்த்துப் போகும் அளவுக்கு வாய்ப்புகள் வரவே இல்லை. இருந்தாலும் அம்மணிக்கு தன்னம்பிக்கை ரொம்பவே ஜாஸ்தி. இன்னமும் புத்துணர்ச்சியுடன் இருக்கும் ரம்யாவிடம், தமிழ் சினிமாவில் முன்னணி அந்தஸ்துக்கு உங்களால் உயர முடியுமா? என்று கேட்டால், நிதானத்துடன் பதில் சொல்கிறார்.
அனுஷ்கா, அசின், நயன்தாரா, தமன்னா, ஹன்சிகா மோத்வானி, தப்சி உள்ளிட்ட ஹீரோயின்ஸ் போலவேதான் நானும் கவர்ச்சியை காட்டுறேன். ஆனால் என் முறை இன்னும் வரவில்லை. அவ்வளவுதான். ஒரே கவர்ச்சியை எத்தனை நாட்கள்தான் ரசித்துக் கொண்டிருக்க முடியும். எல்லாருக்கும் ஒரு மாறுதல் தேவைப்படும். அப்போது நானும் அவர்களின் இடத்தை பிடிப்பேன். அதுவும் கொஞ்ச நாளைக்குதான். அப்புறம் நானும் ரசிகர்களுக்கு அலுத்துப் போவேன். எனக்கு பின்னால் வேறொரு நடிகை வருவார். இதுதானே சர்க்கிள் என்கிறார், மிகத்தெளிவாக! பொண்ணு பொழச்சிக்கும்!!

காதல் வலையில் தமன்........?

ஆந்திராவின் பெரிய நடிகரும், அரசியல்வாதியுமான ஒருவரது வாரிசுக்கு தமன நடிகை காதல் வலை வீசி, அதில் வெற்றியும் கண்டிருப்பதுதான் கோடம்பாக்கத்தில் லேட்டஸ்ட் பரபரப்பு தகவல்.
தமிழில் முன்னணி இடத்தில் இருந்து கோடி கோடியாக சம்பாதித்துக் கொண்டிருக்கும் தமன நடிகை, தமிழ் சினிமா வாரிசு நடிகர் ஒருவரை காதலிப்பதாக ஆரம்பத்தில் தகவல் கசிந்தது. அதனை மறுத்து வந்த நிலையில் அம்மணியின் பார்வை ஆந்திரதேசம் பக்கம் வீசியிருக்கிறது.
ஆந்திராவின் பிரபல நடிகரும், அரசியல் கட்சி ஆரம்பித்து, அதனை சமீபத்தில் ஆளும் மத்திய கட்சியுடன் இணைத்துக் கொண்டிருக்கும் சீவி நடிகரின் மகன்தான் தமனத்தின் வலையில் விழுந்தது.
இப்போது இரண்டு பேரும் போனில் மணிக்கணக்கில் பேசிக் கொண்டிருப்பதாக சொல்கிறது ஆந்திர பத்திரிகைகளின் கிசுகிசு பகுதி.

திறமை இருந்தால் மட்டுமே ஜெயிக்க முடியும்!

ஸ்ரேயா இன்றைக்கு வெறும் நடிகை மட்டுமல்ல, பல கல்வி மையங்களில் கவுரவ விரிவுரையாளர் ரேஞ்சுக்கு சினிமா பற்றி பாடங்கள் நடத்தி வருகிறார்.
சமீபத்தில் அவர் அகமதாபாத் ஐஐஎம்மில் கூட உரையாற்றினார். சென்னை ஐஐடியில் கூட பேசியிருக்கிறார்.
சினிமாவின் வெற்றி தோல்வி, மார்க்கெட்டிங் முறைகள் பற்றி அக்கு வேறு ஆணி வேறாக பிரித்து மேய்கிறார், நுனி நாக்கு ஆங்கிலத்தில்.
சமீபத்தில் அவர் ஒரு நிகழ்ச்சியில் பங்கேற்க வந்திருந்தார். அப்போது அவர் கூறுகையில்,
"தீபா மேத்தா இயக்கும் விண்ட்ஸ் ஆப் சேஞ்ச் என்ற ஆங்கில படத்தில் இப்போது நடித்து வருகிறேன். இது எனக்கு மூன்றாவது ஆங்கில படம். தமிழ், ஹாலிவுட் படங்களில் பெரிய வித்தியாசம் இல்லை.
இயக்குனர்கள், கதைகள் மற்றும் படங்களை எடுக்கும் முறைகள் போன்றவைகளே படத்தின் தரத்தை நிர்ணயிக்கின்றன. வெற்றி-தோல்வி கடவுள் கையில் உள்ளது. சில நேரம் திறமையான நடிகர்கள் கூட பிரபலமாக முடியாமல் உள்ளனர்.
கலைஞர்களுக்கு தன்னம்பிக்கை அவசியம். எவ்வளவு கஷ்டத்திலும் எழுந்து நிற்பேன் என்று நம்ப வேண்டும். வாரிசு நடிகர்களால் மட்டுமே நிலைக்க முடியும் என்பதில் நம்பிக்கை இல்லை. இந்தியாவில் உள்ள சூப்பர் ஸ்டார் நடிகர்கள் யாரும் வாரீசு நடிகர்கள் இல்லை. திறமை இருந்தால் மட்டுமே ஜெயிக்க முடியும்", என்றார்.

திரிஷாவிற்கு திருமணம்!

இந்த ஆண்டு இரு முன்னணி நடிகைகளின் திருமணத்தை தமிழ் சினிமா ரசிகர்கள் பார்க்கப் போகிறார்கள். ஒன்று நயன்தாரா. அடுத்து? த்ரிஷா! ஆம்... த்ரிஷாவுக்கு போரடித்து விட்டதாம் சினிமா.
ரசிகர்களும் கிட்டத்தட்ட அதே மனநிலைக்கு வந்துவிட்டதை அவரும் உணர்ந்து விட்டதால், திருமணம் பற்றி தீவிரமாக யோசித்து வருகிறாராம்.
இந்திப் படங்களில் பெரிதாகக் கலக்கலாம் என்ற ஆசையில் மும்பையில் ஃப்ளாட் எடுத்துக் கூட தங்கிப் பார்த்தார். ஆனால் நடித்த ஒரே படமும் தோல்வியடைந்து விட்டதால் வேறு வாய்ப்புகள் இல்லாத நிலை. சில பாலிவுட் உப்புமா கம்பெனிகள் தான் அவரைத் தேடி வந்தார்களாம். இனி மும்பை வேலைக்காகாது என்று உணர்ந்து ஃப்ளாட்டைக் காலி செய்து விட்டு சென்னைக்கு வந்தார்.
அப்போதே த்ரிஷாவின் அம்மா உமா கிருஷ்ணன் மகளுக்கு மாப்பிள்ளை தேடும் படலத்தில் இறங்கி விட்டாராம். மாப்பிள்ளை சரியாக அமையும் பட்சத்தில் இந்த ஆண்டே திருமணம் என்கிறார்கள் த்ரிஷா குடும்பத்துக்கு நெருக்கமானவர்கள்.
இப்போதைக்கு தெலுங்கில் இரு படங்கள், தமிழில் அஜீத்துடன் மங்காத்தா என மூன்று படங்களில் நடித்து வருகிறார் த்ரிஷா. வேறு புதுப்படங்கள் எதையும் ஒப்புக் கொள்ளவில்லை. இந்தப் படங்கள் முடிந்ததும், திருமண அறிவிப்பை வெளியிடக் கூடும் என்கிறார்கள்.

ரசிகர்கள் தொல்லையால் தேர்வு எழுதாமல் திரும்பிய செளந்தர்யா!

ரஜினி மகள் சவுந்தர்யா ஆந்திர மாநிலம் புத்தூரில் உள்ள கே.கே.சி. என்ற தனியார் சட்ட கல்லூரியில் முதலாம் ஆண்டு படித்து வருகிறார். இதற்கான தேர்வு நேற்று புத்தூரில் உள்ள அரசு கல்லூரியில் நடந்தது. சவுந்தர்யா தேர்வு எழுதுவதற்காக புத்தூர் அரசு கல்லூரிக்கு சென்றார்.
சவுந்தர்யா தேர்வு எழுத வருவதை அறிந்ததும் அங்கு ரசிகர்கள் ஏராளமானோர் திரண்டனர். அவர்கள் ரஜினி மகளை பார்க்க முண்டியடித்தனர்.பின்னர் ஒருவழியாக ரசிகர்களிடம் இருந்து தப்பித்து தேர்வுக் கூடத்துக்கு சென்றார்.
அவர் தேர்வு எழுதும் போது அந்த ஹாலில் தேர்வு எழுதிக் கொண்டிருந்த அனைவரும் சவுந்தர்யாவையே பார்த்துக் கொண்டிருந்தனர். இதனால் சவுந்தர்யா அதிருப்தி அடைந்து தேர்வு எழுத முடியாமல் தவித்தார்.
பின்னர் அவர் அந்த கல்லூரி முதல்வரிடம் தேர்வு எழுத தனக்கு தனி அறை ஒதுக்குமாறு கேட்டுக் கொண்டார். அதற்கு கல்லூரி முதல்வர் மறுத்தார். பிரபலங்களின் வாரிசுகளுக்கு தேர்வு எழுத ஏற்கனவே தனி அறை ஒதுக்கப்பட்டிருப்பது குறித்து சவுந்தர்யா அவரிடம் வாதாடினார்.
ஆனால் அதை ஏற்க கல்லூரி முதல்வர் மறுத்து விட்டார். இதனால் அதிருப்தியுடன் சவுந்தர்யா தேர்வு எழுதாமல் கல்லூரியை விட்டு வெளியேறினார்.

சுருதியால் உள்ளுக்குள் நடுங்கும் முருகதாஸ்!

அகநக ஓ தீரடு என்ற தெலுங்கு படத்தில் நடித்திருந்தார் ஸ்ருதிஹாசன். இந்த படத்தின் ரிசல்ட்டை ரொம்பவே ஆர்வமாக எதிர்பார்த்திருந்தவருக்கு அந்த நம்பிக்கையில் விழுந்திருக்கிறது சரியான இடி!
படம் முதல் வாரத்திலேயே மூட்டை கட்டப்பட்டுவிட்டதாம்.
இவர் அறிமுகமான முதல் இந்திப்படமும் இதே மாதிரிதான் அமைந்தது. இந்த தொடர் தோல்விகளால் ஸ்ருதி கவலைப்பட்டாரோ இல்லையோ? இவரை வைத்து படம் எடுத்துக் கொண்டிருக்கும் ஏழாம் அறிவு முருகதாசுக்கு சின்ன நடுக்கம் ஏற்பட்டிருக்கிறது.
அப்பா கமல் போலவே சகல திறமைகளும் கொண்ட ஸ்ருதிக்கு நல்ல குரல் வளம், நாலு பேரை மயங்க வைக்கும் இசை என்று பல்வேறு கதவுகள் திறந்திருக்கின்றன. எனவே இப்போது வரும் புதுப்படங்கள் எதையும் ஒப்புக் கொள்ளவில்லை அவர். ஏழாம் அறிவுக்கு பின்புதான் புதுப்படங்களை ஒப்புக் கொள்ளப் போகிறாராம். இது முருகதாஸ் ஸ்கிரிப்டின் மீதிருக்கும் நம்பிக்கையாக கூட இருக்கலாம்.
இதற்கிடையில் தினமும் படப்பிடிப்புக்கு லேட்டாக வந்து கொண்டிருந்தவர் இப்போது டாண் என்று குறித்த நேரத்திற்கு வந்துவிடுகிறாராம். எலி உட்கார எலந்த பழம் விழுந்திருக்கும். இதற்கும் தெலுங்கு பட தோல்விக்கும் என்ன சம்பந்தம் இருக்கப் போகிறது?

நீதுவால் எழுந்த ஆடைப்பிரச்சனை!

உள்ளாடை இல்லாமல் நிகழ்ச்சியில் நடிகை நீத்து சந்திரா பங்கேற்றார். இதையடுத்து அவருக்கு மகளிர் அமைப்புகள் கண்டனம் தெரிவித்துள்ளன.
நடிகர் மாதவனுடன் யாவரும் நலம் படத்தில் ஜோடியாக நடித்தவர் நடிகை நீதுசந்திரா. மும்பையைச் சேர்ந்த இவர் தமிழ் மற்றும் மலையாள படங்களில் நடித்து வருகிறார். கடந்த சில தினங்களுக்கு முன்பு திருவனந்தபுரத்தில் நடந்த பொது நிகழ்ச்சி ஒன்றில் நடிகை நீதுசந்திரா சிறப்பு அழைப்பாளராக கலந்து கொண்டார்.
விழாவில் கலந்து கொண்ட நீதுசந்திரா, மேடையில் கால் மேல் கால் போட்டு ஹாயாக அமர்ந்திருந்தார். அப்போது அவர் உள்ளாடை அணியாமல் அமர்ந்திருந்ததாக கூறப்படுகிறது. நீதுசந்திரா பங்கேற்ற அந்த பொது நிகழ்ச்சி சம்பந்தமான படங்களை பார்த்து கேரள மாதர் சங்கம், மகளிர் கூட்டமைப்பு மற்றும் சோசலிச பெண்கள் குழுவினர் கொதிப்படைந்துள்ளனர்.
நடிகை நீதுசந்திரா, பொது நிகழ்ச்சியில் இவ்வாறு மோசமாக நடந்து கொண்டது ஒட்டுமொத்த பெண் இனத்தை அவமானப்படுத்துவதாகும். அவர் மன்னிப்பு கேட்கும் வரை மலையாள படங்களில் நடிக்க விட மாட்டோம் என்று கூறி போராட்ட களத்தில் குதித்துள்ளனர்.
கேரளாவில் தனக்கு எதிராக பெண்கள் போராட்டத்தில் இறங்கி உள்ளதால் நீதுசந்திரா அதிர்ச்சி அடைந்துள்ளார். இது தெரியாமல் நடந்து விட்டது என்று அவர் கூறி உள்ளார்.

புதுப் பொலிவுடன் நமீதா!

விரைவில் புத்தம் புதிய பொலிவுடன் என்னைப் பார்ப்பீர்கள் என்று குதூகலமாக கூறுகிறார் நடிகை நமீதா. எல்லாம் எடைக் குறைப்பு நடவடிக்கை காரணமாகவாம்.
நமீதா என்றவுடன் அந்த பெருத்த உடலும், பிரமாண்ட கவர்ச்சியும்தான் ரசிகர்களுக்கு நினைவுக்கு வரும். ஆனால் அதை அப்படியே மாற்றியமைக்கப் போகிறாராம் நமீதா.
இடையில் கன்னடப் படத்தில் நடிக்கப் போன நமீதா அப்படத்துக்காக எடையை வெகுவாகக் குறைத்திருந்தாராம். ஆனால் இளைஞன் படத்தில் நடிக்க வந்தபோது மீண்டும் எடையைக் கூட்டிக் கொண்டாராம். ஆனால் தற்போது மீண்டும் எடையைக் குறைக்க ஆரம்பித்துள்ளார். இதனால் கணிசமான அளவில் எடை குறைந்து சிக்கென மாறி வருகிறாராம். இன்னும் சில நாட்களில் மேலும் சில கிலோவைக் குறைத்து புது மாதிரியான தோற்றத்திற்கு வரப்போகிறேன் என்கிறார் நமீதா.
கரீனாவின் சிக் உடம்புக்குக் காரணமான பிரபலமான டயட்டிஷியன் ருஜுதா திவேகரின் ஆலோசனைப்படி இப்போடு டயட்டைக் கடைப்பிடிக்க ஆரம்பித்துள்ளாராம் நமீதா. இதுதான் அவரது உடல் மெலிவுக்கு காரணமாம். கூடவே யோகாவையும் துணைக்கு அழைத்துள்ளார்.
இதுகுறித்து அவர் கூறுகையில், இன்னும் சில வாரங்கள் பொறுத்திருங்கள். பிறகு என்னைப் பார்த்தால் யாருமே நான்தான் நமீதா என்றால் நம்ப மாட்டார்கள்.
ரசிகர்களுக்கு எனது புதிய பொலிவு ஆச்சரியத்தை அளிக்கும். இப்போதே என்னைப் பார்க்கும் பலரும் நம்ப மறுக்கிறார்கள். நீங்களா என்று ஆச்சரியத்துடன் கேட்கிறார்கள். இன்னும் முழுமையாக எடைக் குறைப்பு முடியவில்லை. அதற்குள்ளேயே இவ்வளவு ஆச்சரியம் என்றால் நான் முழுமையாக மெலிந்து அழகானால் எப்படியெல்லாம் ஆச்சரியப்படப் போகிறார்களோ என்று கூறிச் சிரிக்கிறார் நமீதா.
தனது உடல் எடை மிகவும் அதிகமாக இருப்பதாக பலரும் கூறி வந்தபோதிலும் அதில் அதிக அக்கறை காட்டாமல்தான் இரு்நது வந்தார் நமீதா. ஆனால் யோகா செய்யத் தொடங்கிய பின்னர் அவருக்கே எடையைக் குறைக்கும் ஆசை வந்து விட்டதாம். இதனால்தான் தற்போது தீவிரமாக எடைக் குறைப்பில் இறங்கியிருக்கிறாராம்.
இளைஞன் படத்தில் ஆங்கிலோ இந்தியப் பெண்ணாக நடித்தது மிகவும் சவாலானதாக இருந்ததாக கூறும் நமீதா, இருப்பினும் கருணாநிதியின் கதை வசனத்தில் உருவான படத்தில் நடித்தது பெருமை தருவதாக கூறிப் பூரிப்படைகிறார்.

ஐயோ!என்னை அதுக்கு கூப்பிடுறாங்களே....!!!

‘ஐயோ என்னை ‘அதுக்கு’ கூப்பிடறாங்களே…? ஷாக்கான கவர்ச்சி நடிகை நீது. எந்த மொழி படமாக இருந்தாலும் கவர்ச்சி முத்திரை காட்டி நடிக்க தயங்காதவர்தான் பாலிவுட் நடிகை நீது சந்திரா.
எனக்கு ஹிந்தி, பஞ்சாபி, குஜராத்தி, போஜ்பூரி, தெலுங்கு ஆகியவற்றுடன் வட மாநில மொழிகள், வெளிநாட்டு மொழிகளையும் தெரிந்து வைத்துள்ளேன். யாவரும் நலம் படத்தில் நடித்ததிலிருந்து தமிழ் மொழியை கற்க ஆர்வம் காட்டியுள்ளேன்.
ஆதிபகவன் படத்தில் நடிக்க துவங்கியபோதே சரளமாக தமிழோடு விளையாடி பார்ப்பது என முடிவு செய்தேன்.
ஆர்வமாக தமிழைக் கற்று வருகிறேன். டைரக்டர் அமீரும் என்னை உற்சாகப்படுத்தியுள்ளார்.
பட யூனிட்டில் உள்ளவர்களிடம் பேசி, தப்பிருந்தால் திருத்திக்கொள்கிறேன். ஆதிபகவன் பட சூட்டிங் முடிவதற்குள் தமிழை நன்றாக கற்றுக்கொள்வேன்\’ என்கிறாராம்.
பாலிவுட் டைரக்டர் பிரியதர்சன் சினிமாவுக்கு வந்து முப்பது ஆண்டுகள் நிறைவடைந்ததை ஒட்டி துபாயில் விழா கொண்டாடினார்கள்.
அதில் கலந்து கொண்ட நீது, பாடல்களுக்கு வளைந்தும் நெளிந்தும் நளினமாக ஆட்டம் போட, கூடி ரசித்தவர்களுக்கு ஒரே கிளுகிளுப்பு ஆட்டம் முடிந்து, நடந்து வந்த நீதுவை சுற்றி நெருக்கி தள்ளியதாம் ரசிகர் கும்பல்.
அதில் தமிழ், மலையாளம் மொழிகளில் பேசியவர்கள், ‘கல்யாணம் கட்டிக்கலாமா…?! அதுக்கு சம்மதமா?! என்று முணுமுணுத்தார்களாம். ‘அதுக்கு ரெடின்னு சொல்லு, உன்னை நல்லா வெச்சுக்கிறேன்’ என்றும் கூட்டத்திலிருந்து குரல் வர, நீதுக்கு ஷாக்.
கொஞ்சமும் அதிர்ச்சி அடங்காமல், ‘ஆங்.. நான் அதுக்கு ஒத்து வர மாட்டேன்\’ என்று லேசாக கதறியவர், கமுக்கமாக இடத்தை காலி பண்ணினாராம்.

முன்னணி நடிகை பட்டியலில் அஞ்சலி!

தமிழ் சினிமாவின் அடுத்த முன்னணி நடிகைகள் பட்டியலில் முதலிடத்திற்கு முன்னேறுபவர்களில் முக்கியமானவர் என்றால் அது அஞ்சலிதான் என்று கோடம்பாக்கத்தில் யாரைக் கேட்டாலும் டக்கென சொல்லிவிடுவார்கள்.
சிறந்த நடிகை என்ற அங்கீகாரத்தை அங்காடித்தெரு படத்தில் பெற்ற அஞ்சலிதான் முன்னணி இயக்குனர்கள், நடிகர்களின் இப்போதைய ஏகோபித்த தேர்வாக இருக்கிறார். மகிழ்ச்சி படத்தில் கொஞ்சம் கவர்ச்சியாகவே நடித்த அஞ்சலி, விமல் நடிக்கும் தூங்கா நகரத்தில் துடுக்குத்தனமான மதுரைக்காரப் பெண்ணாக நடித்துவருகிறார்.
அதோடு அஜீத்தின் மங்காத்தா ஆட்டத்திலும் ஒருகை போடுகிறார் அஞ்சலி. மங்காத்தாவில் அஞ்சலிக்கு ஜோடி வைபவ்தான் என்றாலும், தல படம் என்பதால் டபுள் சந்தோஷத்தோடு தலையாட்டிவிட்டாராம். அஜீத்தின் படத்தில் நடிக்கும் குஷியில் இருக்கும் அஞ்சலிக்கு அடுத்தடுத்து பெரிய நடிகர்களின் பட வாய்ப்புகளும் குவிகின்றன.
விக்ரமின் அடுத்தப் படத்தில் விக்ரமுக்கு ஜோடியாக அஞ்சலி நடிக்கவிருக்கிறார். ‘மைனா’ புகழ் அமலா பாலுக்கு கிடைக்கவிருந்த இந்த வாய்ப்பு அஞ்சலிக்கு கைமாறி இருப்பதுதான் இதில் ஸ்பெஷல். விக்ரம், அனுஷ்கா நடித்துவரும் 'தெய்வமகன்' படத்தில் அமலா பாலும் இன்னொரு கதாநாயகி. தெய்வமகனுக்கு அடுத்து சுசீந்திரனின் இயக்கத்தில் தான் நடிக்கவிருக்கும் அடுத்தப் படத்திலும் அமலா பாலையே நாயகியாக்குவதாக அவருக்கு உறுதியளித்திருந்தாராம் விக்ரம்.
ஆனால் அந்த வாய்ப்புதான் இப்போது அஞ்சலிக்கு கிடைத்திருக்கிறது. இந்தப் படத்தில் அமலா பாலையே நாயகியாக்கலாம் என்பது விக்ரமின் விருப்பமாக இருந்தாலும், இந்தக் கதைக்கு அஞ்சலிதான் மிகவும் பொருத்தமானவர் என்று கூறிவிட்டாராம் இயக்குனர் சுசீந்திரன். இரண்டு கதாநாயகிகள் நடிக்கும் இந்தப் படத்திற்கான மற்றொரு நாயகிக்காக மும்பை பக்கம் வலைவிரித்திருக்கிறார்கள்.

சிலோன் சின்னையா காலமானார்!

பிரபல திரைப்பட நடிகர் சிலோன் சின்னையா லண்டனில் காலமானார். அவருக்கு வயது 70. பைலட் பிரேம்நாத், பொண்ணு ஊருக்கு புதுசு, அகல்விளக்கு, ஆணிவேர், கரைகடந்த ஒருத்தி, நீயின்றி நானில்லை உள்ளிட்ட படங்களில் குணச்சித்திர வேடங்களில் நடித்தவர். இதுதவிர இலங்கையில் புதியகாற்று உள்பட ஏராளமான தமிழ்ப்படங்களில் நடித்தவர்.
தீவிர சிவாஜி ரசிகரான சிலோன் சின்னையா, எனக்குள் ஒரு சிவாஜி என்ற படத்தை தயாரிக்க தீவிர முயற்சியில் இறங்கி இருந்தார். இந்நிலையில் திடீரென இறந்தார்.
சிலோன் சின்னையாவிற்கு மனைவி இரண்டு மகன்கள் மற்றும் இரண்டு மகள்கள் உள்ளனர்.

பெண்களை குளிர்விக்க இந்த வழிகளை பின்பற்றினால் போதுமாம்!

“பெண்கள் உண்மையிலேயே விரும்புவது என்ன?’ காலம், காலமாய் கேட்கப்பட்டு வரும் விடை தெரியாத கேள்வி இது. இந்த கேள்விக்கு பதில் தெரியாமல், “பெண்கள் ஒரு புதிர், அகம்பாவம் பிடித்தவர்கள்…’ என, ஆண்கள் எல்லாரும் பெண்களை ஒதுக்கித் தள்ளுகின்றனர். “அதெல்லாம் ஒன்றுமில்லை. பெண்கள் மிகவும் சாதாரண விஷயங்களைத்தான் விரும்பு கின்றனர். அதை ஆண்கள் நிறைவேற்றாமலோ அல்லது புறக்கணிப்பதாலோ தான் பெண்கள் மீது வெறுப்படைகின்றனர்!’ என்கிறார் பிரபல மனோ தத்துவ ஆராய்ச்சியாளர் பேகோ அன்டர்கில் என்பவர்.
அமெரிக்காவைச் சேர்ந்த இவர், “வெறும் 25 விஷயங்களை சரி செய்து விட்டால் போதும், பெண்கள் உற்சாகமாக இருப்பர்!’ என்கிறார். இதோ அந்த விஷயங்கள்:
1. கொழுப்பு குறைய வேண்டும்: உடலில் சதை போடுவது பெண்களுக்கு பிடிக்கவே பிடிக் காது. கொழுப்பு, சதையை குறைக்க ஒரு மருந்து கிடைத்தால் போதும்.
2. சமையலை கணவர் பாராட்ட வேண்டும்: உங்கள் அம்மா போல் யாராலும் சமைக்க முடியாதுதான். ஆனாலும், மனைவியின் சமையலை ஆகா, ஓகோ என பாராட்ட வேண்டும். அவர்களும் நன்றாக சமையலை கற்றுக் கொள்ள கொஞ்சம் நாட்கள் ஆகும் அல்லவா?
3. ஊமை அல்ல: வாய் பேச முடியாத வேலைக்காரி போல மனைவி இருக்க வேண்டும் என ஆசைப்படக் கூடாது. சினிமா வில் தான் அப்படிப்பட்ட கதாபாத்திரத்தை எதிர்பார்க்க முடியும். உண்மையான வாழ்க்கையில் மனைவியையும் சரி சமமாக நடத்த வேண்டும்.
4. ஆண் மகன்: சிறந்த ஆண் மகனாக, எல்லா ராலும் பாராட்டப்படக் கூடியவராக இருக்க வேண்டும். திறமையை வெளிப்படுத்து பவராக இருக்க வேண்டும்.
5. பொறுப்பு: காலையில் வேலைக்குச் செல்லும் போது, கண்ணாடி எங்கே, சாவி எங்கே என்றெல்லாம் கேட்டு, தொந்தரவு செய்யக் கூடாது. பொறுப்பாக அவர்களும் நடந்து கொள்ள வேண்டும்.
6. கட்டுப்பாடு: உணவில் கட்டுப்பாடு வேண் டும். எப்போதும், ஏதாவது நொறுக்கு தீனிகளை உள்ளே தள்ளிக் கொண்டே இருக்கக் கூடாது.
7. விடுமுறை: விடுமுறை நாட்களில் விரும்பிய படி ஓய்வு எடுக்க அனுமதிக்க வேண்டும். அன்றும் விசேஷமாக சமையல் செய்ய வேண்டும் என வற்புறுத்தக் கூடாது.
8. தொந்தரவு: எல்லாவற்றையும் அவசர, அவசரமாக செய்ய வேண்டும் என தொந்தரவு செய்யக் கூடாது
9. உதவி: சமையல் அறையில் மனைவிக்கு கணவரும் உதவ வேண்டும்.
10. பாராட்டு: “இந்த டிரஸ் உனக்கு நன்றாக இருக்கிறது…’ என பாராட்ட வேண்டும்
11. இளமை: நாம் எப்போதும் இளமையாக இருக்க மாட்டோம். அதை நினைவில் கொள்ள வேண்டும்
12. டிரைவிங்: கணவன் கார் ஓட்டும் போது மனைவியோ, மனைவி கார் ஓட்டும் போது கணவனோ பின் சீட்டில் உட்காரக் கூடாது.
13. ஒத்துழைப்பு: குழந்தைக்கு உடல் நிலை சரியில்லை என்றால் மனைவியை திட்டக் கூடாது. குழந்தையை பராரமரிக்கும் பொறுப்பு இருவருக்கும் உண்டு.
14. நல்ல முடிவு: தினமும் ஒருமுறையாவது இரண்டு பேரும் சேர்ந்து விவாதித்து, நல்ல முடிவை எடுக்க வேண்டும்.
15. சமஉரிமை: வருமானம் முழுவதும் கணவனிடமே இருந்தால், மனைவியை மற்றவர்கள் மதிக்க மாட்டார்கள் என்பதை ஆண்கள் புரிந்து கொள்ள வேண்டும்.
16. அவசரம் கூடாது: படுக்கை அறையில் போர் அடிக்கும் வகையில் கணவர் நடந்து கொள்ளக் கூடாது.
17. ஆச்சர்யம்: வைர மோதிரம் வேண்டும் என பெண்கள் விரும்புவது கிடையாது. ஆனால், பெண் களை மகிழ்விக்கும் வகையில் திடீரென சிறு சிறு பரிசுகளை கொடுத்தாலே போதும்.
18. புது டிரஸ்: ஒரே மாதிரி டிரஸ்களையே தொடர்ந்து போட்டுக் கொண்டிருக்க முடியாது. பெண்களுக்கு புதுப்புது டிரஸ்களை எடுத்து கொடுக்க வேண்டும்.
19. குழந்தைகள்: நன்றாக, சிரித்த முகத்துடன் குழந்தைகள் படுக்கைக்குச் செல்ல வேண் டும். குழந்தைகளை அடிமை போல் நடத்தக் கூடாது. இதில் கணவர்களின் பங்கு முக்கியம்.
20. பொருத்தம்: நாம் அணியும் டிரஸ் எப்போதும் பொருத்தமாக இருக்க வேண் டும். உள்ளாடை வெளியே தெரியும் படி அவலட்சணமாக இருக்கக் கூடாது.
21. பெண்கள் எப்போதும் அதிகம் பேசுவர்: “ஐயோ… டெலிபோன் பில் அதிகமாகி விட்டதே!’ என கூச்சல் போடக் கூடாது.
22. சுற்றுலா: அவ்வப்போது குடும்பத்துடன் சுற்றுலா செல்ல வேண்டும். திருப்தியான, கை நிறைய சம்பாதிக்கும் வேலை வேண்டும்.
23. சுத்தம்: படுக்கை எப்போதும் சுத்தமாக இருக்க வேண்டும். அடிக்கடி அதை மாற்றிக் கொண்டே இருக்க வேண்டும். அதே போல் ÷ஷாகேசில் உள்ள பொம்மைகள், பொருட்களையும் சுத்தம் செய்ய வேண்டும்.
24. சிக்கல்: பெண்களுக்கு தலை வலி தருவதே, டிரசுக்கு ஏற்ற செருப்பு முதல் ஜாக்கெட் வரை எதுவும் கிடைக்காதது தான். அதை சரி செய்ய உதவ வேண்டும்.
25.பொழுது போக்கு: சனிக்கிழமை இரவு உறவினர்களுடன் விருந்துக்கு செல்வது, சினிமா செல்வது என பொழுதை போக்க வேண்டும். “வேலை இருக் கிறது, “டிவி’யை பார்த்துக் கொண்டு தூங்கு!’ என கணவர்கள் சொல்லக் கூடாது.
பெண்கள் விரும்புவது இவ்வளவு தான். இவற்றை கணவரோ, பெற் றோரோ, குழந்தைகளோ நிறை வேற்றினால் போதும். அந்த குடும்பம் மகிழ்ச்சியான குடும்பம் தான்.

அழகே என மயங்கும் ஆண்கள்!பணமே என ஏங்கும் பெண்கள்!

திருமணத் தகவல் தொடர்பு இணையதளம் ஒன்று மேற்கொண்ட ஆய்வில், அழகான பெண்ணே மனைவியாக வரவேண்டும் என ஆண்களும்; நல்ல வேலையில் உள்ள ஆண் தான் கணவனாக வரவேண்டும் என பெண்களும் விரும்புகின்றனர் என்பது தெரியவந்துள்ளது.
டில்லியைச் சேர்ந்த திருமணத் தகவல் தொடர்பு இணையதளம் ஒன்று, தன் இணையதளத்தில் திருமணத்துக்காகப் பதிவு செய்திருந்த ஆண், பெண் உட்பட ஐயாயிரம் பேரிடம் ஆய்வு ஒன்றை நடத்தியது. தன் வருங்கால கணவன் அல்லது மனைவி எப்படி இருக்க வேண்டும் என்பது குறித்து ஆய்வில் கலந்து கொண்டவர்களிடம் கேள்விகள் கேட்கப்பட்டன.அந்த ஆய்வில், பெண் குடும்பத்தாரின் பின்னணிக்கு, 49 சதவீத ஆண்கள் முன்னுரிமை அளித்துள்ளனர். பெண்ணின் அழகான தோற்றத்துக்கு, 48 சதவீதம் பேர் முக்கியத்துவம் அளித்துள்ளனர். 39 சதவீதம் பேர், தனக்கு வரும் மனைவியின் கல்வி குறித்து கவலை தெரிவித்துள்ளனர். 47 சதவீதம் பேர், வருங்கால மனைவியின் வேலைவாய்ப்பு குறித்து கருத்து தெரிவித்துள்ளனர். 45 சதவீதம் பேர், பெண்ணின் ஜாதி மற்றும் இனம் குறித்து அக்கறை தெரிவித்துள்ளனர். மாறாக, 54 சதவீதம் பெண்கள், தங்களுக்கு கணவனாக அமையப் போகிறவரின் வேலை குறித்து அக்கறை தெரிவித்துள்ளனர்.
53 சதவீதம் பேர், கல்வி குறித்தும், 52 சதவீதம் பேர், கணவரின் குடும்பப் பின்னணி குறித்தும் கருத்து தெரிவித்துள்ளனர். 46 சதவீதம் பேர், ஜாதிக்கு முக்கியத்துவம் கொடுக்கின்றனர். 65 சதவீதம் பெண்கள், ஆண்களின் தோற்றத்தை முக்கியமானதாகக் கருதவில்லை.இதுகுறித்து அந்த இணையதளத்தின் தலைவர் கூறுகையில், “பெற்றோரால் நிச்சயிக்கப்பட்ட திருமணங்களின் போக்கு இக்காலத்தில் மாறிவருகிறது. அப்படிப்பட்ட நிலையில் கூட, ஜாதி மற்றும் குடும்பப் பின்னணி முக்கிய காரணிகளாகவே கருதப்படுகின்றன. இதற்கு, மணமகன் தன் பெற்றோரின் கருத்துக்கு இணங்கிச் செல்வதே முக்கிய காரணம். பெண்கள் தங்களின் பாதுகாப்பான வாழ்க்கை குறித்து கவலைப்படுவதால், கணவனின் கல்வி மற்றும் வேலைக்கு முக்கியத்துவம் கொடுக்கின்றனர்’ என்று தெரிவித்தார்.இருப்பினும், அழகான பெண்ணே தனக்கு மனைவியாக வரவேண்டும் என்ற ஆண்களின் எதிர்பார்ப்பே ஒருவகையில் சட்டவிரோதமான கள்ளத் தொடர்புகளுக்கும் வழிவகுத்து விடுகிறது என்பதும் இங்கு குறிப்பிடத்தக்கது.

விஜய்யும் அஜித்தும் சந்தித்தனர்.

வெளியில் அஜீத் ரசிகர்களும் விஜய் ரசிகர்களும் முறைத்துக் கொண்டு திரிகிறார்கள்.
ஆனால் அவர்களின் தலயும் தளபதியும் பண்டிகை - விசேஷங்களுக்கு கூடிக் குலவி நட்பு பாராட்டுகின்றனர்.
இரு நடிகர்களின் இப்போதைய மார்க்கெட் நிலவரமும் ஒன்றும் ஆரோக்கியமாக இல்லை. அரசியல் பற்றி இருவருமே பரபரப்பாக பேட்டிகள் கொடுத்து வருகிறார்கள். இப்போது அதிமுக அனுதாபிகள் வேறு.
அதே நேரம் இருவருக்குமே ஒரு வெற்றி கட்டாயம் தேவை. அதற்காக மங்காத்தாவில் அஜீத் படுபிஸி. விஜய்யோ காவலனை முடித்து விட்டு, வேலாயுதத்தின் இறுதி ஷெட்யூலில் இருக்கிறார்.
இந்த இரு படங்களின் படப்பிடிப்புகளும் இப்போது சென்னை பின்னி மில்ஸில் நடந்து வருகிறது. படப்பிடிப்பு இடைவேளையில் திடீரென்று அஜீத்தும் விஜய்யும் நேற்று சந்தித்துக் கொண்டனர்.
இருவரும் அவரவர் படம் குறித்து விசாரித்துக் கொண்டனர். அப்போது மங்காத்தா பட இயக்குநர் வெங்கட் பிரபு உடனிருந்தார்.

தள்ளாடுகிறார் காவலன்!

ஈழத் தமிழர்களின் எதிர்ப்பு, ஆளும் அதிகாரத்தின் ஓர வஞ்சனை, திரையரங்கு உ‌ரிமையாளர்களின் கோபம் என பல்முனை தாக்குதல்களு‌க்கு உள்ளாகியுள்ளது விஜய்யின் காவலன்.
பொங்கலுக்கு எப்படியும் படத்தை வெளியிடுவது என உறுதியாக உள்ளது தயா‌ரிப்பாளர் தரப்பு. அம்மாவின் ஆசிர்வாதத்தையும் விஜய்யின் தந்தை நே‌ரில் சென்று பெற்றிருக்கிறார்.
ஆனாலும் காவலனின் நிலை இன்னும் தள்ளாட்டத்தில்தான் உள்ளது. பொங்கலுக்கு வெளிவரும் ஆடுகளம், சிறுத்தைப் படங்களின் மீதுதான் திரையரங்கு உ‌ரிமையாளர்களின் கவனம் உள்ளது. இதன் காரணமாக விஜய் படங்களை விரும்பி திரையிடும் திரையரங்குகளும் காவலனுக்கு முகத்தை திருப்பிக் கொண்டுள்ளன.
பொதுவாக விஜய் படங்கள் 300 திரையரங்குகளுக்கு மேல் திரையிடப்படும். காவலன் 100 திரையரங்குகளை எட்டினாலே அதிசயம் என்கிறார்கள்.

தமிழில் படம் இல்லை என்கிறார் தமன்னா.

தமன்னாவுக்கு தமிழில் புதிய படம் எதுவும் இல்லையாம். படம் ஏதும் வராத நிலை இல்லை, அவர்தான் புதிய படம் எதையும் ஒப்புக் கொள்ளவில்லையாம். காரணம், தெலுங்கில் 3 புதிய படங்களில் நடிக்கப் போவதால் தமிழில் ஒப்புக் கொள்ள முடியவில்லையாம்.
கேடி மூலம் தமிழுக்கு வந்த தமன்னா கடும் முயற்சியின் விளைவாக தமிழில் நம்பர் ஒன் இடத்தைப் பிடித்தவர். வந்த வேகத்தில் முக்கிய நடிகர்களுடன் ஜோடி போட்டு விறுவிறுப்பான நிலைக்கு உயர்ந்தார்.
அண்ணன் சூர்யாவுடன் அயன் படத்தில் நடித்தவர் தம்பி கார்த்தியுடன் பையா படத்தில் ஜோடி சேர்ந்தார். அதையடுத்து மீண்டும் கார்த்தியுடன் சேர்ந்து சிறுத்தை படத்திலம் நடித்துள்ளார். அடுத்து தனுஷுடன் வேங்கை படத்தில் நடித்து வருகிறார்.
இந்தப் படத்தை தொடர்ந்து அவர் தெலுங்குக்குப் போகிறார். அங்கு 3 படங்களை ஏற்றுள்ளாராம். இதனால் தமிழில் படம் எதையும் ஒப்புக் கொள்ளவில்லையாம். 2011ம் ஆண்டு பிற்பகுதியில்தான் தமிழுக்கு வரத் திட்டமிட்டுள்ளாராம். அதுவரை தெலுங்கிலேயே இருப்பாராம்.
தான் நடித்த படங்கள் சில சரியாக ஓடாதது குறித்து தனக்கு வருத்தமில்லை என்று கூறும் தமன்னா, நான் நல்ல கதைகளைத் தேர்வு செய்துதான் நடிக்கிறேன். படங்கள் சரியாக போகவில்லை என்றால் அதற்கு நான் மட்டுமே பொறுப்பில்லை என்கிறார் பொறுப்புணர்ச்சியுடன்.
பையா படத்தைப் போல சிறுத்தையும் அனைவரையும் கவரும் என்று கூறும் தமன்னா, இப்படத்தை மற்றவர்களைப் போல தானும் அதிகம் எதிர்பார்த்திருப்பதாக கூறுகிறார்.

படம் பார்க்க ஆளில்லை... தியேட்டர்களில், காலை-இரவு காட்சிகள் ரத்து!!

சினிமா பார்க்கும் ஆர்வம் கிட்டத்தட்ட குறைந்துவிட்டதோ என்ற எண்ணம் தோன்றும் அளவுக்கு மிக மோசமான நிலை உருவாகியுள்ளது. காரணம், பெரும்பாலான திரையரங்குகள் காத்து வாங்குகின்றன, காலி இருக்கைகளுடன்.
இதற்கு தியேட்டர்களில் அதிக கட்டணம் என்று சிலர் முக்கிய காரணம் என்று கூறப்பட்டாலும், அதையும் தாண்டி, வேறு சில காரணங்களும் உள்ளன என்கிறார்கள் திரையுலகைச் சேர்ந்தவர்கள்.
முன்பெல்லாம் பொதுமக்களின் ஒரே பொழுதுபோக்கு சாதனமாக சினிமா மட்டுமே இருந்தது. இப்போது டெலிவிஷன், இண்டர்நெட், மொபைல் போனில் படம் பார்க்கும் வசதி என மாற்றுப் பொழுதுபோக்கு சாதனங்கள் வளர்ந்து விட்டன.
சென்னை, கோவை, மதுரை போன்ற பெரிய நகரங்களில் ஆட்டபாட்டங்களுடன் கூடிய கிளப்புகள், பப்கள், நடன மையங்கள் பெருகி வருகின்றன. புதிதாக பெண்கள் மசாஜ் கிளப்புகளும் அதிகரிக்க ஆரம்பித்துள்ளன.
நடுத்தர மக்களை பொறுத்தவரை, தியேட்டர்களில் அதிக கட்டணம் வைக்கப்பட்டிருப்பது பெரும் பாதிப்பாகவே கருதப்படுகிறது. ஆளுக்கு நூறு ரூபாய் கொடுத்து படம் பார்ப்பதை விட, 20 அல்லது 30 ரூபாய்க்கு டி.வி.டி. வாங்கி குடும்பம் முழுவதும் படம் பார்த்துவிடலாம் என்ற மனநிலைக்கு நடுத்தர மக்கள் வந்துவிட்டார்கள்.
தியேட்டர்களுக்கு வந்து படம் பார்க்கிற கூட்டம் குறைந்து விட்டது. ஒரு காட்சிக்கு நான்கு பேர் அல்லது ஐந்து பேர் மட்டுமே வருவதால், மின்சார கட்டண செலவுக்கு கூட போதவில்லை என்று திரையரங்க உரிமையாளர்கள் வேதனைப்படுகிறார்கள்.
காலை-இரவு காட்சிகள் ரத்து
இதனால் பெரும்பாலான தியேட்டர்களில், காலை காட்சியும், இரவு காட்சியும் ரத்து செய்யப்படுகின்றன.
தமிழ்நாடு முழுவதும் மொத்தம் 1,200 தியேட்டர்கள் உள்ளன. சென்னை நகரில் மட்டும் 70 தியேட்டர்கள் உள்ளன. இதில், பெரும்பாலான தியேட்டர்களில் காலை-இரவு காட்சிகள் நடைபெறுவதில்லை என்பதுதான் உண்மை.
இந்த பாதிப்புக்கு, டிசம்பர் மாத கடும் குளிரும் ஒரு காரணமாக கருதப்படுகிறது. கடுமையான பனிப்பொழிவையும், குளிரையும் தாங்கிக்கொண்டு தியேட்டர்களுக்கு வந்து படம் பார்க்க யாரும் தயாராக இல்லை.
புதிதாக வெளியாகியுள்ள படங்களில் எந்தப் படத்துக்கும் கூட்டமில்லை. இருபது பேர் கூட தேறுவது கடினமாக உள்ளதாக புலம்புகிறார்கள் திரையரங்க உரிமையாளர்கள்.
தியேட்டர்களில் வசூல் அடிவாங்கினாலும், சினிமா தொழில் ஆரோக்கியமாகவே இருக்கிறது என்கிறார்கள், சில மூத்த பட அதிபர்கள்.
"இந்த வருடம் மட்டும் மொத்தம் 125 படங்கள் தயாராகி திரைக்கு வந்துள்ளன. இதன் மூலம் சினிமாவில் குறைந்தபட்சம் ரூ.450 கோடி முதலீடு செய்யப்பட்டுள்ளது.
இந்த பணத்தில் 50 சதவீதம், நடிகர்-நடிகைகளின் சம்பளத்துக்கு போய் விடுகிறது. மீதி 50 சதவீதம், தயாரிப்பு செலவுக்கு போய் விடுகிறது. நடிகர்-நடிகைகளுக்கு போகிற சம்பளம், சினிமாவுக்கு திரும்பி வருவதில்லை. ரியல் எஸ்டேட் போன்ற வேறு தொழில்களுக்கு போய் விடுகிறது என்பதுதான் வருத்தப்பட வேண்டிய விஷயம்,'' என்கிறார்கள் அந்த பட அதிபர்கள்.

யாரும் என் இடுப்பைக் கிள்ளவில்லை!

ஈரோட்டில் நடந்த நிகழ்ச்சியில் எனது இடுப்பை யாரும் கிள்ளவில்லை. என்னுடன் சேர்ந்து போட்டோ எடுக்க முண்டியவரைத்தான் நான் நிறுத்தி அறிவுரை கூறினேன் என்று விளக்கம் அளித்துள்ளார் நடிகை சினேகா.
சமீபத்தில் நிருபர்களைச் சந்தித்த அவர் கூறியது:
ஈரோட்டில் என் இடுப்பை யாரும் கிள்ளவில்லை. என்னுடன் போட்டோ எடுக்க பலர் ஆர்வப்பட்டனர். அந்த ரசிகரும் முண்டியடித்தார். அப்போது அவசரப்படாதீர்கள் என்று அறிவுரை சொன்னேன்.
என் இடுப்பை கிள்ளியதாகவும், நான் ஆவேசப்பட்டதாகவும் செய்திகள் வந்தன. இடுப்பை கிள்ளி இருந்தால் அந்த ரசிகர் ஓடியிருப்பார். நானும் அறிவுரை சொல்லி இருக்கமாட்டேன். அடித்திருப்பேன்.
நான் அரசியலில் குதிப்பதாகவும், பிரச்சாரத்துக்குப் போகவிருப்பதாகவும் கூறப்படுகிறது. எனக்கு அரசியல் பற்றி தெரியாது. எனவே அரசியலுக்கு வரமாட்டேன். தேர்தலில் ஏதேனும் கட்சி பிரசாரத்துக்கு அழைத்தாலும் போகமாட்டேன்.
ஆனால் அரசியலுக்கு வருபவர்கள் நல்ல அரசியல்வாதியாக இருக்க வேண்டும்.
இப்போது ஆக்ஷன் படத்தில் நடிக்கிறேன். இந்தப் படத்துக்காக நிஜமாகவே சண்டை போட்டேன். நிஜத்தில் நான் அடிக்க வேண்டியவர்கள் நிறைய பேர் உள்ளனர். அவர்கள் பெயர்களை சொல்ல முடியாது.
அடுத்து நான் நடித்து வரும் ஒரு படத்தில் இப்படி ஒரு பஞ்ச் டயலாக் உள்ளது: ஆம்பளையா இருந்தாலும், பொம்பளையா இருந்தாலும் போலீஸ் போலீஸ் தாண்டா... பஞ்ச் டயலாக் பேச ஹீரோவாகத்தான் இருக்கணுமா... ஹீரோயின் பேசக்கூடாதா?, என்றார்.
பேசலாமே, நல்லாப் பேசலாமே...!

புவனேஸ்வரியும் 'பாவத்தின் சம்பளமும்'!

கடந்த ஆண்டு தமிழ் சினிமா- பத்திரிகையுலம் கடுமையாக மோதிக்கொள்ளும் அளவுக்குப் போனதற்கு முக்கிய காரணம் நடிகை புவனேஸ்வரி.
விபச்சார வழக்கில் கைது செய்யப்பட்ட புவனேஸ்வரி பற்றிய செய்திகள் வெளியானபோது, கூடவே, மேலும் யார் யார் இந்தத் தொழிலில் கொடிகட்டிப் பறக்கிறார்கள் என படத்தோடு செய்தி வெளியாக பொங்கிவிட்டனர் திரையுலகினர். குறிப்பாக நடிகர்கள் சூர்யா, விவேக், சத்யராஜ், விஜயகுமார், அவர் மகன் அருண் விஜய் போன்றவர்கள் ஆபாசமாகத் திட்டினர். அலுவலகம் புகுந்து பத்திரிகையாளர்களைக் கொல்லுவோம் என்றெல்லாம் பேசினார்கள். ரஜினிகாந்த், விசி குகநாதன் முன்னிலையில் நடந்த பெரும் கூட்டத்தில் இதெல்லாம் நடந்தது.
ஆனால் போலீஸ் எந்த நடவடிக்கையும் எடுக்கவில்லை. இது தொடர்பாக பத்திரிகையாளர்கள் வழக்கு தொடர்ந்தபோது, இப்படியொரு கூட்டமே நடக்கவில்லையே என்று போலீஸே எழுதிக் கொடுத்தது.
இந்த ரகளையில், பிரச்சினைக்கு மூல காரணமான புவனேஸ்வரியை மறந்துவிட்டனர் பலரும். அவரும் கொஞ்ச காலம் கோயில், குளம் என்று பக்தி காஸ்ட்யூமில் இருந்தார். பின்னர், சேதுராமனின் மூவேந்தர் முன்னேற்றக் கழகத்தின் மகளிர் பிரிவு செயலாளர் ஆனார். இப்போது மீண்டும் நடிப்பைத் தொடர களத்தில் இறங்கிவிட்டார்.
இவர் நடிக்கவிருக்கும் டிவி தொடருக்குப் பெயர் 'பாவத்தின் சம்பளம்'!!

புது நடிகைகளில் டாப் ஹீரோக்களின் சாய்ஸ் அமலா பால்!

புதிய நாயகிகளில் இப்போது அதிக படங்களை வைத்திருப்பவர் அமலா பால் என்ற அனகா. முன்னணி நடிகர்களும் முதல் சாய்ஸ் அவர்தான் என்கிறார்கள் கோடம்பாக்கத்தில்.
கேரளத்தைச் சேர்ந்த அமலா நடித்த முதல் படம் சிந்து சமவெளி. மாமனாருடன் கள்ளத் தொடர்பு கொள்ளும் விவகாரமான பாத்திரம் அது. கொஞ்சம் பேர் பாராட்டினார்கள். நிறைய பேர் கடுமையாக விமர்சித்திருந்தனர்.
அடுத்து வந்த படம் மைனா. முதல் படத்தில் வாங்கிக் கட்டியதற்கெல்லாம் சேர்த்து இந்தப் படத்தில் நல்ல பெயர் கிடைத்தது.
இதன் விளைவு, நயன்தாரா, த்ரிஷா ரேஞ்சுக்கு பேசுகிறார்கள் அமலாவை.
விக்ரமின் அடுத்த படத்தில் அவருக்கு ஜோடி அமலாதான். லிங்குசாமி இயக்கும் படம், ஆர்யா - மாதவன் நடிக்கும் வேட்டை என பெரிய படங்கள் அமலாவின் கைவசம். மேலும் இரு பெரிய பட்ஜெட் படங்களிலும் நடிக்க பேசிக் கொண்டிருக்கிறார்களாம்.
இதுகுறித்து அவர் கூறுகையில், "இப்போதே பெரிய பட வாய்ப்புகள் வந்துவிட்டது மகிழ்ச்சியாக உள்ளது. ஆனால் நிச்சயம் பேரைக் காப்பாற்றிக் கொள்வேன்", என்றார்.

சிக்கு புக்கு ப்ரீத்திகா.

சினிமா செய்தியாளராக இருந்து இப்போது நடிகையாக அவதாரம் எடுத்துள்ளார் ப்ரீத்தீகா.
பத்திரிக்கை ஒன்றுக்கு சினிமா செய்திகளைக் கொடுக்கும் நிருபராக இருந்தவர்தான் இந்த ப்ரீத்திகா. இப்போது இவர் சிக்கு புக்கு படம் மூலம் நடிகையாகியுள்ளார். ஷ்ரியாவுடன் இணைந்து ஆர்யாவுடன் ஜோடி போட்டுள்ளார் ப்ரீத்திகா.
இதுகுறித்து அவர் கூறுகையில், தமிழ்ப் படத்தில் நடிக்க வேண்டும் என்று ஆர்வமாக இரு்நதேன். அதற்கேற்ப சிக்கு புக்கு பட வாய்ப்பு வந்ததும் கப்பென்று பிடித்துக் கொண்டேன். எனது புகைப்படத்தைப் பார்த்து இயக்குநர் மணிகண்டன் இந்த வாய்ப்பைக் கொடுத்தார்.
நான் நடித்த ரோலில் முதலில் வித்யா பாலன்தான் நடிப்பதாக இருந்தது. பின்னர் அவர் நடிக்கவில்லை. இதையடுத்து என்னை தேர்வு செய்தனர். படப்பிடிப்புக்காக பத்து நாட்கள் சென்னையில் தங்கியிருந்தேன்.
ஒரு நடிகையாக என்னை இந்தப் படம் சரியாக அடையாளம் காட்டியுள்ளதாக கருதுகிறேன். மேலும், நான் ஒரு மாடல் ஆக இருந்ததும் பெரும் உதவி புரிந்தது. அனைத்து ஷாட்களையும் ஒரே ஷாட்டில் முடித்துக் கொடுத்தேன்.
முதலில் எனக்குத் தமிழ் தெரியாது. இருந்தாலும் ஆர்யாவும், இயக்குநரும் உதவி செய்தனர். இதையடுத்து என்னால் தமிழ் உச்சரிப்பை சரியாக செய்ய முடிந்தது.
முதன் முதலில் நான் கேமராவுக்கு முன்பு தோன்றியது அமிதாப் பச்சனுடன் நடித்த காட்பரீஸ் சாக்லேட் விளம்பரப் படம்தான்.
படத்தில் நானும், ஷ்ரியாவும் சேர்ந்து வருவது போல காட்சி இல்லை. எனவே எங்களுக்குள் எந்த சண்டையும் நடக்கவில்லை என்கிறார் ப்ரீத்திகா.

கரீனாவை மிஞ்சுவாரா இலியானா?

இந்தியில் பெரும் வெற்றி பெற்ற 3 இடியட்ஸ் படத்தின் தமிழ், தெலுங்கு ரீமேக்கில் நாயகியாக இலியானா நடிப்பது கிட்டத்தட்ட உறுதியாகி விட்டது. இதனால் அவர் மீதான எதிர்பார்ப்பு அதிகரித்துள்ளது.
இந்தியில் மிகப் பெரிய பிளாக்பஸ்டர் படம் 3 இடியட்ஸ். வசூலை வாரிக் குவித்து சாதனை படைத்த படம். இப்படத்தை ஷங்கர், தமிழ் மற்றும் தெலுங்கில் ரீமேக் செய்யவுள்ளார்.
இதற்கான கலைஞர்களைத் தேர்வு செய்யும் பணி கிட்டத்தட்ட முடிந்து விட்டதாக கூறப்படுகிறது. நாயகியாக இலியானா நடிப்பார் என்று கூறப்படுகிறது.
இதன் மூலம் தமிழுக்கு மீண்டும் வருகிறார் இலியானா. கேடி படத்தின் மூலம்தான் இவர் நடிகையானார். ஆனால் கேடி ஓடாததால், அதிருப்தி அடைந்து தெலுங்கோடு நின்று விட்டார்.
தற்போது ஷங்கர் படம் என்பதால் 3 இடியட்ஸ் ரீமேக்குக்கு ஒப்புக் கொண்டு நடிக்கவுள்ளார். இந்திப் படத்தில் கரீனா கபூர் நடித்த வேடத்தில் இலியானா நடிக்கிறார். கரீனா கபூர் அப்படத்தில் பின்னி எடுத்திருப்பார். அதை மிஞ்சும் வகையில் இலியானா நடிப்பாரா என்ற எதிர்பார்ப்பு எழுந்துள்ளது.
தமிழ் மட்டுமல்லாமல் தெலுங்கிலும் இலியானாதான் நாயகியாக நடிக்கவுள்ளாராம். தெலுங்கில் மகேஷ் பாபுவுடன் ஜோடியாக நடிப்பார். தமிழில் விஜய்யுடன் ஜோடி போடுவார்.
இப்படத்தில் சிறப்பாக நடிக்க வேண்டும் என்பதற்காக இந்தி 3 இடியட்ஸை மீண்டும் மீண்டும் பார்த்து ஸட்டி செய்து வருகிறாராம் இலியானா.

மேகனாவுடன் ஷக்தி ஜோடி சேரும் 'கள்ளச்சிரிப்பழகா'

இயக்குநர் பி. வாசுவின் மகன் ஷக்தி, அடுத்த முயற்சியாக கள்ளச்சிரிப்பழகா என்ற படத்தை பெரிதும் நம்பியுள்ளார்.
இயக்குநர் பி. வாசுவின் மகன் ஷக்தி குழந்தை நட்சத்திரமாக அறிமுகமானவர். சின்னத் தம்பி படத்தில் வந்த அந்த குண்டுப் பையன்தான் இப்போதைய ஷக்தி.
தனது தந்தையின் இயக்கத்தில், தொட்டால் பூ மலரும் படத்தின் மூலம் நாயகன் ஆனார். தற்போது பல படங்களி்ல் நாயகனாக நடித்து வருகிறார். இதுவரை பிரேக் கிடைக்கவில்லை.
தற்போது புதிதாக கள்ளச்சிரிப்பழகா படத்தில் ஒப்பந்தமாகியுள்ளார். இந்தப் படத்தின் இயக்குநர் புதுமைப்பித்தன், லவ்லி ஆகிய படங்களை இயக்கிய எஸ்.கே.ஜீவா. இவர் தான் அழகிய தமிழ் மகன் படத்தி்ன் கதாசிரியர் என்பது குறிப்பிடத்தக்கது. மேலும் ஜீவா மகேந்திரன், சந்தானபாரதி, பிரதாப்போத்தன் போன்றவர்களிடம் உதவி இயக்குநராகப் பணிபுரிந்துள்ளார்.
கள்ளச்சிரிப்பழகனுடன் சேர்ந்து கள்ளச்சிரிப்பு சிரிக்கவிருப்பது காதல் சொல்ல வந்தேன் நாயகி மேகனா. நகைச்சுவையில் கலக்கவிருக்கிறார் சந்தானம்.
கதாபாத்திரங்கள் மற்றும் இயக்குநர் அறிமுகம் முடிந்துவிட்டது. தற்போது கதைக்கு வருவோம். அது தானே முக்கியமானது. தான் என்ன தான் கஷ்டப்பட்டாலும் அடுத்தவர்களுக்கு புன்னகையுடன் உதவும் இளைஞனின் கதைதான். ஆக, அரைத்த மாவையே வித்தியாசமாக அரைக்கவிருக்கின்றனர்.
ஸ்ரீகாந்த் தேவா இசையமைக்கிறார், என்.ரவி ஒளிப்பதிவு செய்கிறார். படப்பிடிப்பு விரைவில் தொடங்கவிருக்கிறதாம்.

நடிகர் சங்கத்துக்கு ஃபெப்ஸி கடும் கண்டனம்!

குகநாதனுக்கு கண்டனம் தெரிவித்த நடிகர் சங்கத்துக்கு ஃபெப்சி அமைப்பு கடும் கண்டனம் தெரிவித்துள்ளது.
நடிகர் ஆர்யா சில தினங்களுக்கு முன் கேரளாவில் ஒரு நிகழ்ச்சியில் பேசுகையில், "நான் ஒரு மலையாளி என்பதில் பெருமைப்படுகிறேன். பொதுவாக மலையாளிகள் ரசனையில் உயர்ந்தவர்கள். க்ளாஸ் படங்கள், உயர்ந்த நடிப்புதான் அவர்களுக்குப் பிடிக்கும். தமிழர்கள் ரசனை அப்படியல்ல. சுமாராக நடித்தாலும் லட்சங்கள், கோடிகளைக் கொட்டுவார்கள்" என்றெல்லாம் கூறியிருந்தார்.
இது தொலைக்காட்சியிலும் ஒளிபரப்பானது. நி்கழ்ச்சியைப் பார்த்த விசி குகநாதன், ஆர்யாவுக்கு தனது கண்டனத்தைத் தெரிவித்திருந்தார். ஆனால் அதில் அவர் நேரடியாக ஆர்யாவின் பெயரைக் குறிப்பிடவில்லை.
இந்த நிலையில், நடிகர் சங்கம் குகநாதனைக் கடுமையாக கண்டித்து அறிக்கை வெளியிட்டது கடந்த செவ்வாய்க்கிழமை.
இப்போது நடிகர் சங்கத்தின் கண்டனத்துக்கு குகநாதன் தலைவராக உள்ள தென்னிந்திய திரைப்பட தொழிலாளர் கூட்டமைப்பான (ஃபெப்ஸி) கண்டனம் தெரிவித்து அறிக்கை வெளியிட்டுள்ளது. பெப்ஸி பொதுச்செயலாளர் சிவா உள்பட அனைத்து நிர்வாகிகளும் அதில் கையெழுத்திட்டுள்ளனர்.
அந்த அறிக்கை:
திரைப்பட இசை வெளியீட்டு விழா ஒன்றில் குறிப்பிட்ட ஒரு நடிகருக்கு எதிராக ஃபெப்ஸி தலைவர் பேசும் போது, 'இதனை நான் ஃபெப்ஸி தலைவராக அல்லாமல், ஒரு தமிழனாகவே கூறுகிறேன்' என்றார் தெளிவாக. ஆனால் நடிகர் சங்கமோ ஃபெப்ஸி தலைவருக்கு கண்டனம் தெரிவித்துள்ளது. இது தலைவர் விசி குகநாதனுக்கு மட்டுமல்லாமல், அனைத்து தொழிலாளர்களுக்கும் வருத்தத்தை ஏற்படுத்தியுள்ளது.
அது மட்டுமல்லாது, இந்தியா முழுவதும் சினிமா அமைப்புகளில் பல பொறுப்புகளிலும், இங்கே பல சங்கங்களில் தலைவராகவும் செயலாளராகவும் பணியாற்றியவர் வி சி குகநாதன். 250 படங்களில் பணியாற்றி, தனது 64 வது வயதிலும் எங்களுக்காக உழைத்துக் கொண்டிருக்கும் எங்கள் தலைவரை வெடி கொளுத்திப் போடுகிறார், கயிறு திரிக்கிறார் என்றெல்லாம் கூறி அறிக்கை விட்டது மிகவும் கண்டிக்கத் தக்கது.
நடிகர் சங்க செயலர் ராதாரவி, டப்பிங் ஆர்டிஸ்ட் யூனியன் சங்கத் தலைவராகவும் உள்ளார். இது பெப்ஸியின் ஒரு அங்கம். அப்படியிருக்கையில், நேரிலோ கடிதம் மூலமாகவோ வி சி குகநானிடம் இதுபற்றி விளக்கம் கேட்டிருக்கலாம். அதை விட்டுவிட்டு, பத்திரிகைகள் மூலம் பெப்ஸியை வம்புக்கிழுத்திருப்பது வேதனைக்குரியது. வண்மையாக கண்டிக்கத்தக்கது", என்று அதில் கூறப்பட்டுள்ளது.

கரு பழனியப்பனின் 'ப்ளாக்கர்ஸ் ஷோ'!

வலைப்பூ எனப்படும் பிளாக் எழுதுவது இன்று ஒரு பேஷனாகவே மாறிவிட்டது. தெரிந்ததையெல்லாம் மொழி, இலக்கணம், நடை எதைப் பற்றியும் கவலைப் படாமல் எழுதித் தள்ளலாம் என்ற வசதி, எல்லோரையுமே ஒரு முறை எழுதிப் பார்க்கத் தூண்டியுள்ளது வலையுலகில்.
சிலர் இதிலேயே கணிசமாக பணம் பார்ப்பதும் நடக்கிறது. தனி நபர் நிறுவனங்கள் சில விளம்பரமெல்லாம் தருகின்றன!
வெகுஜன ஊடகங்களில் எட்டிப் பார்க்காத அறிவு ஜீவித்தனங்களும் இவற்றில் உண்டு... அதேநேரம் அங்கே காட்ட முடியாத வக்கிரங்கள், ஆபாசங்களையும் சிலர் கொட்டித் தீர்ப்பதையும் பார்க்க முடிகிறது. பலர் ஏற்கெனவே வந்ததை காப்பி பேஸ்ட் செய்வதே ப்ளாக் எழுதுவது என்பதில் தெளிவாக உள்ளனர்.
இவர்களுக்கென்று சங்கமெல்லாம் வைத்திருக்கிறார்கள்.
கிட்டத்தட்ட 3000 பதிவர்கள் இருப்பதாகச் சொல்கிறார்கள். இவர்களில் சிலருக்கென வாசகர் வட்டமும் உள்ளன. பெரும்பாலான வலைப்பதிவாளர்கள் சினிமா விமர்சனம் எழுதுகிறார்கள். நாலு வரி, நாலு பக்கம் என்று அவரவர் நோக்கத்துக்கு எழுதுகிறார்கள்.
இப்போது இந்த விமர்சனங்களுக்கு ஒரு அங்கீகாரம் தரும் நோக்கில் இயக்குநர் கரு பழனியப்பன் தனது மந்திரப் புன்னகை படத்துக்காக தனி ஷோ ஒன்றை சமீபத்தில் ஏற்பாடு செய்திருந்தார். இதற்கு ஞாநி உள்பட 50க்கும் மேற்பட்ட வலைப்பதிவாளர்கள் திரண்டிருந்தனர்.
இது கரு பழனியப்பனுக்கு சந்தோஷத்தை அளித்தாலும், ஏற்கெனவே இணையதள பத்திரிகையாளர்களை தடுப்பதில் குறியாக உள்ள சில பிஆர்ஓக்களுக்கு பெரும் அதிர்ச்சியைத் தந்துள்ளதாம்.
'இவிங்களும் இனி ரெகுலர் ஷோவுக்கு வருவாங்களோ...' என்று ஒருவருக்கொருவர் கவலையுடன் பேசிக் கொண்டதுதான் கரு பழனியப்பனின் ப்ளாக்கர்ஸ் ஷோவின் ஹைலைட்!!

சிம்ரன் இடத்தை நிரப்ப விரும்பும் சனா!

கவர்ச்சி, நடிப்பு என இரண்டையும் கலந்து அடித்துக் கலக்கிய சிம்ரன் போல ஆக விரும்புகிறேன் என்று கூறியுள்ளார் சனா கான்.
சிலம்பாட்டம் மூலம் தமிழில் நடிக்க வந்த சனா கான், கவர்ச்சிகரமான நடிகை என்ற பெயரை எடுத்தவர். ஆனால் ஆயிரத்தில் ஒருவன் படத்தில் கவர்ச்சியை மூட்டை கட்டி வைத்து அடக்கம் ஒடுக்கமாக நடித்துள்ளார்.
அப்படியானால் இனி கவர்ச்சி கிடையாதா என்றால், சிம்ரன் இருந்தார். நடிப்பிலும், கவர்ச்சியிலும் கலக்கியவர். அவரது இடத்தை நிரப்ப யாரும் இன்னும் வரவில்லை.
எனக்கும் கூட நடிப்பிலும், கவர்ச்சியிலும் கலக்க வேண்டும் என்பதே ஆசை. கவர்ச்சியாகவும் நடிப்பேன், ஆயிரத்தில் ஒருவன் போலவும் நடிப்பேன்.
நான் இளம் வயது நடிகை. எனவே கவர்ச்சி வேண்டாம் என்று சொல்ல மாட்டேன், சொல்லவும் முடியாது. முழுப் படத்திலும் கவர்ச்சிகரமாக நடிக்க நான் தயார்தான். அதேசமயம், பாவாடை, தாவணியில் வந்து போகவும் ஆசை உண்டு.
கவர்ச்சியில்லாமல் நடிப்பதும் அழகான சினிமாதான். ஆனால் அப்படிப்பட்ட படங்களில் நடிப்பது அபூர்வமாக இருக்க வேண்டும்.
தெலுங்கில் இப்போது கத்தி என்ற படத்தில் நடித்துள்ளேன். தூக்கலான கவர்ச்சி அதில். அங்கு ரசிகர்கள் கவர்ச்சி இல்லாவிட்டால் படத்தை ரசிக்க மாட்டார்கள். கவர்ச்சிக்காகவே வருகிறார்கள். எனவே அங்கு கவர்ச்சியாக மட்டுமே நடிக்க முடியும் என்கிறார் சனா.

தனி ஹீரோவாக களமிறங்கும் ஷாம்!

ஷாம் - ரவி தேஜா நடிப்பில் வெளியான தெலுங்குப் படம் கிக், ஆந்திராவில் பிளாக்பஸ்டர் படமாக வசூலைக் குவித்தது.
இதைத் தொடர்ந்து ஷாமுக்கு தெலுங்குப் படங்களில் வாய்ப்புகள் குவிந்தன. ஆனால் நல்ல கதைகளைத் தேர்வு செய்யக் காத்திருந்த ஷாம், இப்போது ஷேத்ரம் என்ற படத்தை ஒப்புக் கொண்டுள்ளார்.
இந்தப் படத்தின் படப்பிடிப்பு இன்று ஹைதராபாத்தில் தொடங்குகிறது. தமிழ் நடிகரான தனக்கு தெலுங்கில் தனி ஹீரோ வாய்ப்பு கிடைத்திருப்பது மகிழ்ச்சியாக உள்ளது என்கிறார் ஷாம்.
தமிழில் ஏற்கெனவே அவர் நடித்த அகம் புறம் வெளியீட்டுக்குத் தயாராக உள்ளது. இந்தப் படத்துக்குப் பின், தூசி படத்தை தயாரித்து நடிக்கிறார் ஷாம்.

வெளி வருகிறது மயிலு!

பிரகாஷ் ராஜ் - மோசர் பேர் தயாரிப்பில் இசைஞானி இளையராஜாவின் இசையில் உருவான படம் மயிலு. ஜீவன் இயக்கியிருந்தார்.
ரிலீசுக்கு முன்பே இளையராஜாவின் பாடல்கள் பெரிதும் பேசப்பட்ட படம் இது. ஒரு பொங்கல் தினத்தில், இந்தப் பாடல்கள் உருவான விதத்தை இசைஞானி லைவ்வாகவே காட்ட, மெய் மறந்துபோனார்கள் ரசிகர்கள் .
ஆனால் தயாரிப்பாளர்களுக்கிடையில் எழுந்த மோதல் உள்ளிட்ட பல்வேறு காரணங்களால் அப்படியே நின்றுவிட்டது மயிலு.
அந்தப் படத்தில் அறிமுகமாகவிருந்த இயக்குநர் ஜீவன், அதற்குப் பிறகு பா. விஜய்யை வைத்து ஞாபகங்கள் எடுத்துவெளியிட்டது நினைவிருக்கலாம்.
இப்போது மீண்டும் மயிலை வெளியிடும் முயற்சியில் தீவிரமாக உள்ளார் தயாரிப்பாளரும் நடிகருமான பிரகாஷ் ராஜ். கிறிஸ்துமஸுக்கு இந்தப் படம் வெளியாகிறது.
மதுரையை அடிப்படையாகக் கொண்ட இந்தக் கதையில் ஷம்முவும் புதுமுகம் ஸ்ரீயும் நடித்துள்ளனர்.
படம் குறித்து பிரகாஷ் ராஜ் கூறுகையில், "இந்தப்படம் வெளியாவது நல்ல சினிமாவுக்கு, நல்ல இசைக்குக் கிடைத்த வெற்றி என்பேன். இந்தப் படத்தின் நாயகன் இளையராஜாதான். தமிழ் சினிமாவின் மறக்கமுடியாத படமாக, இசையாக மயிலு அமையும்," என்றார்.

இந்தி போய் கஷ்ரம் வேண்டாம் என்கிறார் காஜல்!

தன்னைத் தேடி வரும் தமிழ் மற்றும் தெலுங்குப் படங்களில் மட்டுமே நடிப்பது என்ற முடிவுக்கு வந்துள்ளாராம் காஜல் அகர்வால். இந்திப் பட வாய்ப்புகளை மறுத்து வருகிறாராம் அவர்.
நல்ல பெரிய கண்களுடன், செமத்தியான உயரத்துடன், பளிச்சென்று பொம்மை போல இருக்கும் காஜலுக்கு தமிழை விட தெலுங்கில் நல்ல கிராக்கி. தெலுங்கில் முன்னணி நடிகையாக வலம் வரும் அவர் தமிழிலும் பெரிய ரவுண்டுக்கு ஆயத்தமாகி வருகிறார்.
தெலுங்கில் அவரைத் தேடி ஏகப்பட்ட வாய்ப்புகளாம். பார்த்து, பதவிசாக படங்களைத் தேர்வு செய்து பட்டையைக் கிளப்பிக் கொண்டிருக்கிறார். தமிழிலும் கூட நிறைய வாய்ப்புகள் வருகிறதாம். கை கொள்ளாத அளவுக்கு ஆர்டர்கள் குவிவதால் படு ஹேப்பியாகியிருக்கும் அகர்வால், இந்த இரு மொழிப் படங்களில் மட்டும் தொடர்ந்து கவனம் செலுத்துவது என முடிவு செய்துள்ளார்.
இதனால் தன்னைத் தேடி வரும் இந்திப் பட வாய்ப்புகளை நிராகரித்து வருகிறாராம். இதனால் இந்திப் படத் தயாரிப்பாளர்கள் சோகமாகியுள்ளார்களாம். காஜல் சேவை தெலுங்கு, தமிழுக்கு மட்டும்தானா, எங்களுக்கு இல்லையா என்று வருத்தப்படுகிறார்களாம்.
ஆனால் காஜலோ, எனக்குத்தான் மன மகிழ்ச்சி தரும் அளவுக்கு தெலுங்கிலும், தமிழிலும் வாய்ப்புகள் வருகிறதே, பிறகு எதற்காக இந்திக்குப் போய் பிற நடிகைகளைப் போல கஷ்டப்பட வேண்டும் என்று விளக்குகிறார்.
பரவாயில்லையே, ஆசின், திரிஷா ஆகியோர் இந்திக்குப் போய் திண்டாடி வருவதைப் பார்த்து கவனமாகத்தான் காய் நகர்த்துகிறார் காஜல்...!

'அர்ஜூன் ராசா..'-உருகும் ஹரிப்ரியா!

நடிகர் அர்ஜூன், இதயங்களை கொள்ளை கொள்ளும் ராஜா என்று அர்ஜூன் புராணம் பாடிக் கொண்டிருக்கிறாராம் நடிகை ஹரிப்ரியா.
கன்னடத்து ஹரிப்ரியா, அர்ஜூனுடன் இணைந்து வல்லக்கோட்டை படத்தில் நடித்துள்ளார். படத்தில் நடிக்க ஆரம்பித்தது முதல் இன்று வரை நிற்காமல் அர்ஜூன் புராணம் பாடி புளகாங்கிதமடைந்து காணப்படுகிறாராம் ஹரிப்ரியா.
ஏன் இப்படி அர்ஜூன் புராண் என்று 'ஹரி'யிடம் கேட்டால், அர்ஜூன் சார் அப்படி ஒரு 'அமைக்கபிள்' ஆன நபர். அவருடன் நடிக்கப் போகிறேன் என்று கேட்டதுமே எனக்கு திரில்லாகி விட்டது. அர்ஜூன் சாருடன் இணைந்து நடித்தது இதுவே முதல் முறையாகும். இதற்காக நான் மிகுந்த மகிழ்ச்சி அடைகிறேன்.
எனக்கு அர்ஜூன் படங்களிலேயே மிகவும் பிடித்தது ஜென்டில்மேன்தான். படத்தின் பெயருக்கேற்ப அவரும் உண்மையில் ஒரு ஜென்டில்மேன்தான்.
மிகவும் எளிமையானவர் அர்ஜூன். இயல்பாக பழகினார். டயலாக்கை எப்படி உச்சரிப்பது என்பது குறித்து எனக்கு நிறைய சொல்லிக் கொடுத்தார். இயல்பாக நடிக்க எனக்கு பேருதவி புரிந்தார்.
படத்தில் வரும் டூயட் பாட்டில் மகதீரா, மகதீரா என்று வரிகள் வரும். மகதீரா என்றால் தெலுங்கில் ராஜா என்று பெயர். உண்மையிலேயே அர்ஜூனும் இதயங்களை கொள்ளை கொள்ளும் ராசாதான் என்கிறார் ஹரிப்ரியா.
நமக்கே ரொம்ப புல்லரிக்குதே...!

'சிக்' ஷ்ரியா-சிலிர்க்கும் ஹீரோக்கள்!

ஷ்ரியாவின் நடிப்புக்குப் பாராட்டு கிடைக்கிறதோ இல்லையோ அவரது அழகுக்கும், உடல் அமைப்புக்கும் நிறையவே பாராட்டுக்கள் கிடைக்கிறதாம்-ஹீரோக்களிடமிருந்து.
சிக் உடல் நாயகிகளுக்குத்தான் இன்று மார்க்கெட் சிறப்பாக இருக்கிறது. குறிப்பாக இந்தியில், சைஸ் ஜீரோ நாயகிகளுக்கு செம கிராக்கி உள்ளது. தமிழ் சினிமாவிலும் கூட இப்போது சிக் நாயகிகள் பெருத்துப் போய் விட்டார்கள்.
அவர்களில் முக்கியமானவர் ஷ்ரியா. இவரது உடல் வாகு தொடர்ந்து ஒரே மாதிரியாக இருப்பதாக ஆச்சரியத்துடன் கூறுகிறார்கள். நடிக்க வந்தபோது என்ன சைஸில் இருந்தாரோ அதை அப்படியே மெயின்டெய்ன் செய்கிறாராம் ஷ்ரியா.
தற்போது மேலும் ஸ்லிம்மாகி பல ஹீரோக்களின் பாராட்டுக்களைப் பெற்றுள்ளாராம். ஆனால் இந்த ஹீரோக்கள் எல்லாம் இந்தி ஹீரோக்களாம். அவர்கள் ஷ்ரியாவின் ஸ்லிம் அழகை பாராட்டியதோடு, எப்படி இப்படி தொடர்ந்து கட்டுக்கோப்பாக உடலை வைத்துக் கொள்ள முடிகிறது என்றும் ஆச்சரியத்தோடு கேட்கிறார்களாம்.
எல்லோருக்கும் ஷ்ரியா சொல்கிற ஒரே பதில் யோகா செய்வதால்தான் என்பதுதானாம். ஹீரோக்களுக்கு மட்டுமல்லாமல் தனக்கு நெருக்கமான சில ஹீரோயின்களுக்கும் கூட யோகா செய்யுமாறு அட்வைஸ் செய்கிறாராம் ஷ்ரியா.
ஷ்ரியாவின் அட்வைஸைக் கேட்டு உடம்பை ஸ்லிம்மாக்க யோகாவுக்கு மாறி தீவிரமாக அதைக் கடைப்பிடித்து வருகிறாரம் ஷ்ரியாவின் தோழியான ரீமா சென்.

'உம்மாடா செல்லம்':சொன்னது பாக்கியாஞ்ச்சலிதான்.

நான் நடிகை பாக்யாஞ்சலியை திருமணம் செய்து கொள்ளுமாறு கோரி வற்புறுத்தவில்லை. மாறாக, நடிகை பாக்யாஞ்சலிதான் என்னைக் காதலிப்பதாக கூறி எனக்குக் கடிதம் எழுதினார், எஸ்.எம்.எஸ். அனுப்பினார் என்று கோர்ட்டில் வில்லன் நடிகர் வேலு தெரிவித்துள்ளார்.
நெல்லு, உன்னையே காதலிப்பேன், கோட்டி ஆகிய படங்களில் நடித்துள்ளவர் பாக்யாஞ்சலி. அதற்குள் பெரும் பிரச்சினையைக் கிளப்பியுள்ளார். வில்லன் நடிகர் வேலு தன்னை காதலிப்பதாக கூறி தொந்தரவு செய்வதாகவும், திருமணம் செய்து கொள்ள வற்புறுத்துவதாகவும், தனது வீட்டில் வைத்து அடித்து உதைத்ததாகவும், முத்தம் கொடுத்தது போல புகைப்படம் எடுத்து வைத்துள்ளதாகவும் அவர் போலீஸ் கமிஷனர் ராஜேந்திரனை நேரில் சந்தித்துப் புகார் கொடுத்தார்.
இதுகுறித்து துணை ஆணையர் லட்சுமி விசாரணை நடத்தி வருகிறார். நடிகையிடம்நேரில் விசாரணை நடந்துள்ளது.ஆனால் நடிகர் வேலு விசாரணைக்கு ஆஜராகவில்லை. இதையடுத்து அவருக்கு சம்மன் அனுப்பப்பட்டது. அப்படியும் வரவில்லை. இதையடுத்து அவரைக் கைது செய்ய போலீஸார் முடிவு செய்தனர்.
இதைத் தொடர்ந்து முன்ஜாமீன் கோரி செஷன்ஸ் கோர்ட்டை நாடியுள்ளார் வேலு.
இந்த மனு நேற்று 4வது கூடுதல் செஷன்ஸ் நீதிபதி பரஞ்சோதி முன்பு விசாரணைக்கு வந்தது. அப்போது நடிகர் வேலுவின் வக்கீல் ஆஜராகி, வேலுவுக்கு பாக்யாஞ்சலி காதல் கடிதம், எஸ்.எஸ்.எஸ் அனுப்பியுள்ளார்.
'உம்மாடா செல்லம்'
அந்தக் கடிதத்தில், மை டியர் வேலு, நீ எங்கே இருக்கிறாய்? நீ இல்லாமல் நான் இல்லை. நீ எனக்கு தேவை. உன்னைப் பார்க்கணும். உன்னை கட்டித் தழுவ வேண்டும். ஐ லவ் யூ சோ மச், உம்மாடா செல்லம். நான் எப்போதும் உன்னுடன் இருக்க வேண்டும். கடிதத்தின் கீழே ஐ லவ் யூ என்று 6 தடவை எழுதியுள்ளார் என்று தெரிவித்தார்.
இதையடுத்து கடிதத்தை பாக்யாஞ்சலிதான் எழுதினாரா என்பதை கண்டுபிடிக்க அவகாசம் தேவை என்பதால் விசாரணையை ஒத்திவைக்குமாறு அரசுத் தரப்பு வக்கீல் கோரிக்கை விடுத்தார்.
அதை ஏற்ற நீதிபதி,நாளை மறுநாளைக்கு விசாரணையை ஒத்திவைத்து உத்தரவிட்டார்.

நான் இனிமே அமலா-அனகா!

நடிகை அனகா தனது பெயரை மீண்டும் ஒரிஜினல் பெயரான அமலா பால் என்றே மாற்றி விட்டார்.
கேரளாவிலிருந்து நடிக்க வந்தவர் அனகா. சிந்துசமவெளி படத்தில் சர்ச்சைக்குரிய கேரக்டரில் நடித்த அவர் அந்த சர்ச்சையை தற்போது மறக்க விரும்புகிறாராம்.
யாராவது சிந்துசமவெளி படம் குறித்து கேட்டால், அய்யோ, அதை விடுங்க சார், இப்போது மைனா படத்தில் நடித்திருக்கிறேன். அதைப் பற்றிக் கேளுங்கள் என்று கூறி மைனா குறித்து விரிவாகப் பேசுகிறார்.
சிந்துசமவெளிக்கு் முன்பு வரை அமலா பால் என்ற பெயரிலேயே அவர் நடித்து வந்தார். ஆனால், சிந்துசமவெளி படத்தின்போது இயக்குநர் சாமிதான் அனகா என்று பெயரை மாற்றினார். இப்போது சிந்துசமவெளி தொடர்பான அடையாளத்தையே வெறுக்கும் அனகா, தனது ஒரிஜினல் பெயரான அமலா பாலுக்கே மாறி விட்டாராம்.
இனிமேல் என்னை அமலா என்றே அழையுங்கள் என்றும் கொஞ்சலாக கூறுகிறார்.
சிந்துசமவெளி சர்ச்சையின்போது பெரும் மன வேதனை அடைந்திருந்தாராம் அனகா. அப்போது அவரது தோழியர்தான் பெரும் ஆறுதல் கூறினார்களாம். கேரளாவில் பிஏஆங்கிலம் படித்து வருகிறார் அனகா என்பது உபரித் தகவல்.

பாடல் மூலம் அம்புவிடும் மன்மதன் கமல்!

மன்மதன் அம்பு படத்தில் கமல் ஹாஸனே அனைத்துப் பாடல்களையும் எழுதியுள்ளார்.
சினிமா உருவாக்கம் என்று வந்தால் கமல்ஹாஸன் ஒரு நிஜமான சகலகலா வல்லவன். இயக்கம், பாடுவது, நடனம், நடிப்பு என அவர் அனைத்து துறையிலுமே வல்லவர்தான்.
ஏற்கெனவே தன்னை ஒரு திறமையான பாடலாசிரியராக, ஹே ராம் படத்தில் நிரூபித்தார். இளையராஜா இசையில் எப்போது கேட்டாலும் இதயத்தை வருடும், 'நீ பார்த்த பார்வைக்கொரு நன்றி...' பாட்டு கமல் எழுதியதுதான்.
அடுத்து மன்மதன் அம்பு படத்துக்காக தேவி ஸ்ரீ பிரசாத் இசையில் 4 பாடல்களை எழுதியுள்ளார் கமல்.
இதுகுறித்து இயக்குநர் கே எஸ் ரவிக்குமார் கூறுகையில், "மன்மதன் அம்பு படத்தில் கமல்தான் ஹைலைட். நடிப்பு என்றில்லாமல், பல துறைகளிலும் கமலின் பங்களிப்பு இந்தப் படத்தில் அதிகம். அதற்கு ஒரு உதாரணம், இந்தப் படத்தின் 5 பாடல்களில் நான்கை கமல் சாரே எழுதியிருப்பதுதான்..." என்றார்.
பாடல் வெளியீட்டு விழா நவம்பர் 20-ம் தேதி சிங்கப்பூரில் நடக்கிறது. படம் டிசம்பர் 10-ம் தேதி வெளியாகிறது.

மீண்டும் ஆட்டம் போடுகிறார் மாளவிகா!

கல்யாணம் பண்ணி, குழந்தை பிறந்து, ஓய்வு முடிந்து மீண்டும் கோலிவுட்டுக்குத் திரும்பிவிட்டார் மாளவிகா.
எம்.ஜி.ஆர் நம்பி தயாரித்து இயக்கும் படம் பொறுத்திரு என்ற படத்தில் ஒரு கவர்ச்சி ஆட்டம் போடுகிறார்.
எம்ஜிஆரின் 'எங்க வீட்டு பிள்ளை' படத்தில் இடம் பெற்ற 'நான் மாந்தோப்பில் நின்றிருந்தேன்...' பாடல் ரீமிக்ஸ் செய்யப்பட்டுள்ளது. இதற்கு மாளவிகா நடனமாடுகிறார். எம்ஜிஆர் நம்பியே ஹீரோவாகவும் நடிக்கிறார்.
"நான் பால்காரன் வேடத்தில் இந்தப் படத்தில் நடித்திருக்கிறேன். மாளவிகா திருமணத்துக்கு பிறகு முதன் முறையாக நடிகை மாளவிகாவாகவே நடிக்கிறார். கிராமத்துக்கு டீக்கடை திறக்க வரும் அவரை, ஊர் பெரிய மனிதர் என்ற முறையில் வரவேற்கிறேன். மாளவிகாவையும் என்னையும் இணைத்து எனது அத்தை மகள் கனவு காண்பதாக இந்தப் பாடல் உருவாக்கப்பட்டுள்ளது.
இந்தப் பாட்டுக்கு புதிதாக ட்யூன் போடாமல், 'எங்க வீட்டு பிள்ளை' படத்தில் இடம்பெற்றுள்ள நான் மாந்தோப்பில் நின்றிருந்தேன்... பாடலையே ரீமிக்ஸ் செய்து பயன்படுத்தியுள்ளோம்.
மறைந்த எஸ்.எஸ்.சந்திரன் 12 வருட இடைவெளிக்குப் பிறகு இந்தப் படத்தில் நடித்திருக்கிறார். இதுதான் அவருக்கு கடைசி படம்..." என்றார் இயக்குநர் எம்ஜிஆர் நம்பி.