நீண்ட இடைவெளிக்கு பின்னர் தமிழில் மீண்டும் ரீ-எண்டிரி ஆகுகிறார் சார்மி. கடைசியாக டைரக்டர் பிரபுசாலமன் இயக்கத்தில் வெளிவந்த "லாடம்" படத்தில் நடித்து இருந்தார். அந்த படத்திற்கு பின்னர் போதிய படவாய்ப்புகள் ஏதும் அமையாததால் தெலுங்கு சினிமாவுக்கு போனார். அங்கு ஓரளவுக்கு படவாய்ப்புகள் வந்ததால் அங்கேயே செட்டிலானார்.இந்நிலையில் மீண்டும் தமிழுக்கு வருகிறார் சார்மி. சமீபத்தில் தெலுங்கில் இவர் நடித்து வெளிவந்த "மங்கலா" என்ற திரைப்படம் நல்ல வரவேற்பை பெற்றுள்ளது. மிகவும் சஸ்பென்ஸ் மற்றும் திரில்லர் படமாக வந்துள்ள இப்படத்தில் சார்மி பேய் கேரக்டரில் நடித்துள்ளார். இப்படம் தமிழிலும் ரீ-மேக் செய்யப்படுகிறது. சார்மி படத்தில் நடித்ததுடன் மட்டுமல்லாமல், தமிழ் படத்தின் தயாரிப்பாளராகவும், விநியோகஸ்தராகவும் அவதரித்துள்ளார். அத்துடன் நிச்சயம் இந்த அழகான பேய்யை தமிழ் மக்கள் வரவேற்பார்கள் என்ற நம்பிக்கையிலும் இருக்கிறார் சார்மி.
கருத்துகள் இல்லை:
கருத்துரையிடுக