தங்களைச் சுற்றி எப்போதும் ஒரு கிசுகிசு இருக்கும்படி பார்த்துக் கொள்வதை முன்னணி நடிகைகள் ஒரு கலையாகவே கற்று வைத்திருக்கிறார்கள். அப்படி வரும் கிசுகிசுகளுக்கு முற்றுப்புள்ளி வைப்பதை அவர்கள் ஒரு போதும் விரும்புவதுமில்லை. படங்களே இல்லாவிட்டாலும் தொடர்ந்து பல கிசுகிசுக்கள், வதந்திகள் என தலைப்புச் செய்திகளில் இடம்பெறுபவர் அசின். இப்போது டோணியுடன் நெருக்கம் காட்டுகிறார். காதலா என்றால் 'இல்லையில்லை நட்பு... அதை களங்கப்படுத்தாதீர்கள்' என்கிறார். ஆனால் 'இந்த நட்பு தொடரும்... அவர் மிகச் சிறந்த ரசிகர்' என்று அந்த கிசுகிசுவுக்கு ஒரு கமாவும் போடுகிறார். இப்படித்தான் முன்பு சல்மானுடன் எந்தத் தொடர்பும் இல்லை என்றார். ஆனால் அசின் படுக்கையறையில் சல்மான்கான் படம் மாட்டப்பட்டிருப்பதையும், இருவரும் நள்ளிரவுப் பார்ட்டிகளுக்கு ஒன்றாக வந்ததையும் பாலிவுட் பத்திரிகைகள் புகைப்படத்துடன் வெளியிட்டன. ஆனால் அசினோ, 'எனக்குப் பார்ட்டிகளே பிடிக்காது' என்று முழு ஆதாரத்தையும் பொய்க்குள் மறைத்தார்!
கருத்துகள் இல்லை:
கருத்துரையிடுக